Jay's Stuff

Just a start

2012-01-07T15:59:00.001+05:30

Okay here i am. after few months; back on my blog. last year I was quite busy to blog but this is a brand new year. hopefully everyone had an enjoyable new year. In fact this year is one of most important years for me. also this is the my first blog post in 2012. yeah it's new year but i've going to write my new year first blog post about last year thing and yeah, also about Linux :D.

You guys know im linux craziear but not active in local linux events. so i've got a chance to actively contribute to local FOSS event as a presenter. It's a fedora 16 release party (also fedora introduction semeiner) held in december 8th at Rajarata University, Sri Lanka. anyway this is not a event reporting. just only writing what experience i've get from it.

Mainly goes my thanks to Buddhika for asking me to join the event. then Uditha, he's the preson who planned the event at the university. alos Rajarata ICT team, those were the team who planned and organized this sucessfull event. At the event, there was four sessions. first one was "What is FOSS and Fedora" and it's done by Buddhika, then my presentation about "Fedora 16 New Features" and next one was "How to install and Configure LAMP on fedora 16" done by Uditha and final session was "How to join fedora project" by Buddhika.

Personally this event is a really starting point for my FOSS enthusiastic life. also it was my first presentation at the public event (also for university students). anyway I'm really happy about it and also it gives me to extra energy to continue my FOSS and fedora related activities as much as possible than what I've done in the past.

HAPPY 2012!

Photos by Association of Rajarata ICT

අහන් ඉන්න... අහගෙන ඉන්න...

2011-10-19T05:14:00.001+05:30

මීට අවුරුද්දකට විතර කලින් යූටියුබ් එකේ අහම්බෙන් වගේ හම්බුනු සින්දුවක්. ඕක ඇහුවම මාර විදියට ෆීල් වෙච්ච හින්ද ඒ දවස් වල ඕක ගැන ලියල පෝස්ට් එකකුත් දැම්ම. ඒත් කාලෙත් එක්ක ඔය සින්දුව ගැන තිබ්බ "ඇම්ම" අඩුවෙලා ගියාට ඉන්ද්‍රචාපගෙ රොක් වර්ශන් එක ගොඩක් වෙලාවට මගෙ අතින් ප්ලේ වෙන සින්දුවක්. ඒවගේම "මේකලා ගමගේ" ගැන ගොඩක් විස්තර දැනගත්තන් මන් ඇත්තටම ඒ "රත්තරන්" කඩහඩ තියෙන කෙනාව දකින්න හම්බුනේ "අහන් ඉන්න අහගෙන ඉන්න" සින්දුවෙ වීඩියෝ එකෙන්.

හ්ම්ම්... කෙනෙක් ඉපදෙනකොට මොකක් හරි අඩුපාඩුවක් තියෙනවනන් මගේ ආගමේ හැටියට ඒ එයා පෙර ආත්මෙක කරපු පවක් කියලයි කියන්නෙ... ඒත් වෙලාවකට ඒ පව් කරපු මිනිස්සු එක්ක බලද්දි එයාල අපිට වැඩියෙ සිය දහස් ගුණයක් ඉස්සරහින් කියල හිතෙන වාරගණන අනන්තයි. මේකලත් අන්න ඒ විදියෙ කෙනෙක් මටනන්.

කොහොම උනත් අවුරුද්දකට විතර පස්සෙ ලියන මේ පෝස්ට් එකෙන් ආයෙත් ලියන්න යන්නෙ මේ සින්දුව ගැනනන් නෙමේ.

"විශේෂ අවශ්‍යතා තියෙන අය" එහෙම නැත්තන් අපි වගේම හිතන අපිට වගේම අවශ්‍යතා
හා වුවමනා තිබුනත් ඒව තෘප්තිමත් කරගන්න තව කෙනෙක්ගෙ උදව්වක් ඕන කරන අය (මේ පැහැදිලි කිරීම ගොඩක් දුරට වැරදි වෙන්න පුලුවන්, මොකද මේ වගේ අය සාමාන්‍ය කෙනෙක්ට වැඩියෙ හොදට තමන්ගෙ දේවල් තමන්ම කරගන්න නිසා" ඒත් මේ වගේ කෙනෙක්ගෙ තියෙන පොඩි පොඩි අඩුපාඩුවක් වෙනුවෙන් මේ "මිනිස්සු" ගැන කතා කරද්දි අපි(මා ද ඇතුලුව) බලන්නෙ අමුතුම විදියකට කිව්වොත් හරි.

තමන්ගෙ පවුලෙ කෙනෙක්ට මොකක් හරි අඩුපාඩුවක් තියෙනවනන් ගොඩක් අය බයයි ඒ ගැන වෙන කෙනෙක් දැනගන්නවටවත්, ඒ මේ කෙනා නිසා තමන්ගෙ පවුල් පසුබිමට විශාල බලපෑමක් සමාජයෙන් එල්ල වෙමින් තියෙන හින්ද. කොටින්ම කසාදයක් ගැන කතාකලොත් "වැඩිහිටියො" ඉස්සෙල්ලම හොයල බලන දෙයක් තමයි තමන්ගෙ දුවා හරි පුතා හරි සම්භන්ධ වෙන්න ඉන්න පවුලෙ ඈතින්වත් මේ වගේ කෙනෙක් ගෑ විලා හරි ඉන්නවද කියන එක. වැරදිලා හරි එහෙම හිටියොත් අර බදින්න කෙනා කොච්චර හොද උනත් මේක ගැන පොඩි පොඩි (සමහරවිට ලොකු) කසුකුසු ඇතිවෙන එක සාමාන්‍ය දෙයක් වෙලා.

ගොඩක් අය කැමති නෑ මේ වගේ කෙනෙක් තමන් ඉන්න තැනකට එනවටවත් (වැඩියෙ ඕන් නෑ ලගි න් යනවටවත්) ගොඩක් බස් කොන්දස්තරල මේ වගේ කෙනෙක්ව බස් එකකට නග්ගගන්න තරන්වත් කාරුණික වෙන්නෑ, තව කට්ටියක් කියන්නෙ "අනේ මේ මිනිහ දුක් වින්ද ඇතිනෙ මැරිල ගියානන් එයාටත් හොදයි අපිටත් කරදරයක් නෑනෙ" කියල.

ඇත්තටම කෙනෙක්ට උපතින් හරි, වෙන මොකක් හරි හේතුවක් හින්ද හරි අර්ධ හෝ පූර්ණ ආබාධිත තත්වයට පත්වෙනව කියන්නෙ එතනින් ඒ කෙනාගෙ ජීවිතේ ඉවරද? එහෙම කෙනෙක්ට ජීවිතේ විදින්න බැරිද? ඇස් පේන්නෙ නැති, කන් ඇහෙන්නෙ නැති, කතා කරන්න බැරි, අතක් පයක් නැති ඒ අපේම මිනිස්සුන්ට තමන්ගෙම කියල විදවන්නැතුව විදින්න පුලුවන් ජීවිතයක් නැද්ද? ඒ කෙනා ජීවත් වෙලා වැඩක් නැද්ද? ඒ අපේ මිනිස්සු රටකට බරක්ද?

නෑ...ඒක කීයටවත් වෙන්න බෑ.. ඒ අපි වගේම බලාපොරොත්තුත් එක්ක ජීවත් වෙන මිනිස්සු. එයාලටත් ආදරේ කරන්න පුලුවන්... එයාලටත් අපි වගේ ම ජීවත් වෙන්න පුලුවන්... ඒ ජීවිතේට "අපිට" හයියක් වෙන්නත් පුලුවන්.

ඇත්තටම අපි මේ "මිනිස්සු" වෙනුවෙන් මීට වඩා දෙයක් කරන්න ඕන නේද? අපි මේ "අපේ මිනිස්සු" වෙනුවෙන් මීට වඩා දෙයක් කරමු නේද?

Tweak your natty narwhal (ubuntu 11.04)

2011-05-05T05:00:00.000+05:30

Ubuntu පාවිච්චි කරන හැම දෙනාම වගේ අලුත් natty narwhal නිකුතුවට පාවිච්චි කරන්න ඇතිනෙ. පුද්ගලිකව මාත් ගොඩක් බලාපොරොත්තුවෙන් හිටපු නිසා ආපු ගමන්ම වගේ දාල බැලුව. මාව twitter වලට ෆලෝ කරන කට්ටියනන් සිද්ධිය දන්නවනෙ :P හැබැයි මේක ගැන ලියන්න කියල හිටියට මේ වෙනකල් වෙලාවක් සෙට් උන් නෑ. කොහොමහරි මම දැනට පාවිච්චි කරපු උබුන්තු නිකුතු වලින් කැමතිම උබුන්ටු 11.04 වලට. ඕනම කෙනෙක්ට කිසිම අවුලක් නැතුව පාවිච්චි කරන්න පුලුවන් non geeky level OS එකක් විදිහටනන් Ubuntu 11.04 මම දැක්ක හොදම OS එක කියන්න පුලුවන්. ඒ වගේම උබුන්ටුවල අනාගතයත් බලාපොරොත්තු තියා ගන්න පුලුවන් එකක්. ඉතින් හැමෝම natty narwhal වල අලුත් features ගැන දන්න නිසා මාත් ආයි ඒ බයිලෙම ගහන්නැතුව කෙලින වැඩේට බහින්නන්. කෝකටත් natty narwhal ගැන තව විස්තර දැනගන්න ඕන්නම් OMGUbunt natty gude එක බලන්න පුලුවන්. ඒ වගේම unity interface එක පාවිච්චි කරද්දි ලේසියෙන් වැඩ කරගන්න use කරන්න පුලුවන් keyboard shortcuts ගැනත් මෙතනින් අදහසක් ගන්න පුලුවන් වෙයි. (ඔය Super key එක කියන්නෙ keybord එකේ Ctrl හා Alt අතරෙ තියෙන Windows key එක)

උබුන්ටු 11.04 පෙරනිමියෙන් එන්නෙ සතපහක වැඩක් නැති සිංහල ෆොන්ට් එකක් නිසා මුලින්ම මේ වෙනුවට හොද සිංහල යුනිකෝඩ් ෆොන්ට් එකක් රීප්ලේස් කරගන්න වෙනව. (මමනන් පුද්ගලකව පාවිච්චි කරන්නෙ මලිති වෙබ් ෆොන්ට් එක) මේක කරන්න, Alt+F2 එබුවම එන Run a command කියන ටෙක්ස් බොක්ස් එකේ "gksu nautilus" කියල ටයිප් කලාම එන file manager එකෙන් "/usr/share/fonts/freefonts" ගිහිල්ල, දැනට ඒකෙ තියෙන ෆොන්ට් ටික අයින් කරල කැමති 'හොද' ෆොන්ට් එකක් මෙතෙන්ට දාන්න. දාල "sudo fc-cache -f -v" කියල ආයි Terminal එකේ ගහල ෆොන්ට් cash එක අප්ඩේට් කරගත්තම ඒ වැඩේ හරි.

ඊළගට කරන්න තියෙන්නෙ සිංහල input method එක ගොඩදාගන්න එක, මේකට "sudo apt-get install ibus-m17n" කියල terminal එකේ ටයිප් කරල ibus-m17n package එක install කරගන්න ඕනෙ. ඊට පස්සෙ Dash එකෙන් Keyboard input method (k අකුර ගහද්දිම පෙන්නනව) කියල search කරල iBus preference වලට ගහින් input method ටැබ් එකෙන් select an input method කියන එකට Sinhala;Sinhalese යටතෙ තමන්ට පහසුම keybord layout එක තෝරල Add කලාට පස්සෙ ඒවැඩෙත් හරි. ඊට පස්සෙ Ctrl+Space ගහල input method මාරු කරල ටයිප් කරන්න පුලුවන්. (මතක ඇතුව log out වෙලා ආයෙ log in වෙන්න)

දැන් ඊළගට පොඩි පොඩි custimization පහසු කරගන්න ubuntu tweak install කරගන්න. ඒත් එක්කම CompizConfig Settings Manager එකත් install කරගන්න ඕනෙ, මේකට "sudo apt-get install compizconfig-settings-manager" කියල Terminal එකේ ගහල හරි Ubuntu tweak වල Desktop යටතේ තියෙන compiz settings වලට ගිහිල්ල හරි කරගන්න පුලුවන්.ubuntu tweak වලින් install කලානන් ඒ ගමන්ම compiz setting යටතේ workpalce edge settings වලට කැමති විදියක් දෙන්න.

මන්නන් applications අතර මාරු වෙන්න පහසු හින්ද top right coner එකට show windows හා right bottom coner එකට show desktop විදියටයි දීල තියෙන්නෙ, ඒ කියන්න මම මවුස් curser එක top right coner එකට move කලාම මම open කරල තියෙන application ටික පෙන්නවනව, (මේ නිසා Application අතර swith වෙන්න හරිම ලේසියි) ඒ වගේම right bottom coner එකට move කරාම open වෙලා තියෙන සේරම Application minimize වෙලා Desktop එක පෙන්නනව. තව workplace එකකට වඩා භාවිතා කරනවනන් ඒව අතර මාරුවෙන්න left bottom coner වගේ යොදා ගන්න පුලුවන්. මේ වගේ තමන්ට පහසු විදියට හදා ගත්තම Application විශාල සංඛ්‍යාවක් සමග එකවර වැඩ කරද්දි හරිම පහසුවෙන් මේව අතර මාරු වෙන්න පුලුවන්. අහ් තව ඒ ගමන්ම Menu effects යටතේ තියෙන Transpreant menu enable කරන්නත් අමතක කරන්න එපා.

ඊළගට Ubuntu 11.04 වල එන Unity interface එකේ වෙනස්කම් බලමු, මේකට top pannel එකේ අන්තිමටම තියෙන power button එක ක්ලික් කරල ඒකෙ යටම තියෙන system settings වලන් හරි dash එකෙන් හරි CompizConfig Settings Manager වලට යන්න. මේකෙත් Desktop යටතෙ තියෙන Ubuntu Unity Plugin එකට ගිහිල්ල Behaviour හා Experimental ටැබ් යටතෙ තමන් කැමති විදියට Unity එකේ වෙනස්කම් කරගන්න පුලුවන්. (මමනන් වෙනසකට කියල කලේ luncher එකේ icon size එක පොඩි කරපු එකයි top pannel එකේ opacity එක ටිකක් අඩු කරපු එකයි විතරයි) ඒ වගේම මෙතනින් කරගන්න බැරි සැගවුනු වෙනස්කම් කරගන්න ඕනෙනම් Dconf-editor ස්ථාපනය කරගන්න පුලුවන්. මේකටත් "sudo apt-get install dconf-tools" කියල terminal එකේ ගහල ස්ථාපනයෙන් පසුව Alt+F2 ඔබල "dconf-editor" කියල ටයිප් කරල dconf-editor එකේ Desktop යටතේ Unity වලට ගිහින් වෙනස්කම් කරගන්න පුලුවන්.

මට Dash එකේ තිබ්බ තව ලොකුම ප්‍රශ්නයක් තමයි hidden files පෙන්නන එක (අරවත් ඇතුලත්ව :P) ඉතින් මේකට කරන්න ඕනෙ Activity journal install කරල ඒකෙ preference ගිහින් Plugins ටැබ් එකේ තියෙන blacklist manager plugin එක ඩබල් ක්ලික් කරල active කරන්න. එතකොට Active journal preferences යටතෙම Blacklist කියල තව අලුත් ටැබ් එකක් එයි. මේකෙන් අලුත් පාත් එකක් ඇඩ් කරල ඒකට hidden files තියෙන directory එකේ පාත් එක දෙන්න. දැන් වැඩේ හරි :D අහ් තව තියෙන හැම ෆයිල් එකක්ම බ්ලොක් කරන්න ඕන්නන් star "*" mark එක දෙන්න. එතකොට ඒ වැඩෙත් ගොඩ.

මන් 11.04 වල ආසම දෙයක් තමයි Global menu එක. ඒත් මේක Libre office එක්ක පොඩි අවුලක් තියෙනව. ඒත් පොඩි වැඩක් කරල ඒකත් හදා ගන්න පුලුවන්. මේකට "sudo apt-get install lo-menubar" කමාන්ඩ් එක terminal එකේ ගහල Libre office global menu support එක සක්‍රීය කරගන්න පුලුවන්.

තව උබුන්තු පරණ නිකුතු වලදි (Gnome2 තියෙද්දි) pannel එක අපිට ඕන විදියට customize කරගන්න පුලුවන් උනාට natty narwhal වලදි සාමාන්‍ය විදියට ඒක කොහොමත්ම කරන්න බෑ. ඒත් පොඩි hack එකකින් අපිට ඕනකරන applet එකතුකරල panel එක ටිකක් දුරට හරි customize කරගන්න පුලුවන්. මේ ගැන සම්පූර්ණ විස්තරය මෙතනින් බලාගන්න පුලුවන්. ඒ වගේම තාම දැක්කෙ නැත්තන් 11.04 install කලාට පස්සෙ කරන්න පුලුවන් දේවල් 10ක් ගැන තියෙන article එකත් කියවල බලන්න. මීට අමතරව තව ගොඩක් දේවල් ubuntu 11.04 වලදි අපි කැමති විදියට වෙනස් කරගන්න පුලුවන්, ගූගල් දෙයියන්ගෙ අන්ජනමක් බැලුවොත් ඕනතරන් resources හොයා ගන්න පුලුවන්. එහෙනන් ඉතින් අදට අපි කැපුන, හැමෝටම ජය!

ආශ්‍රිත ලිපි :-
http://omgubuntu.co.uk/natty
http://www.omgubuntu.co.uk/2011/04/10-things-to-do-after-installing-ubuntu-11-04
http://www.tendenciadigital.com.ar/english/linux-open-source/things-to-tweak-/-fix-after-installing-ubuntu-11.04-natty-narwhal.html

Android පිස්සුව සහ තවත් Phone කතා

2011-03-08T19:52:00.000+05:30

මන් හෙන ස්මාර්ට් ෆෝන් පිස්සෙක් :D මුලින්ම මට පිස්සුව ආවෙ ඇපල් iphone එක ආවට පස්සෙ. ඒ දවස්වල ඇපල් සයිට් එකේ පදින්චිවෙලා හිටියෙ. හැබැයි ඊට කලින්නන් මට Mobile Phones ගැන එච්චර උනන්දුවක් තිබ්බෙ නෑ. අනික ඒ දවස්වල Call එකක් ගන්න SMS එකක් යවන්න පුලුවන්නන් එච්චරයිනෙ, (දැන්නන් මේ දෙක නැතත් කමක්නෑ) කොහොමහරි ඒ දවස්වල විභාග භීතිකාවෙන් පෙලිච්ච හින්ද iPhone ඇම්ම අඩුවෙලා ගියා.

ඔය අතරෙ 2009 මුලදි වගේ මට හැදුන Android ඇම්මක්. මේක උනෙ රෑ පාඩන් කරද්දි කම්මැලි හින්ද නෙට් එකේ සර්ච් පාරක් දදා හිටිය. ඔය වෙලාවෙ තමා මට මුලින්ම ඇන්ඩ්‍රොයිඩ් ගැන මීටර් උනේ. කොහොමහරි එදා රෑ නිදිමරාගෙන කලේ ඇන්ඩ්‍රොයිඩ් ගැන හෙව්ව එක. අන්තිමට දවස් දෙක තුනක් යද්දි මට ෆුල් ඇන්ඩ්‍රොයිඩ් මේනියාව. මේකට ඒ දවස්වල තිබ්බ ලිනක්ස් උනත් එක හේතුවක්. හැබැයි හිතට වදින ෆෝන් එකක් සෙට් උන්නෑ. ඉතින් කලේ Phones හොයන එක. මොකද මට ඕනෙ ඇන්ඩ්‍රොයිඩ් රන් වෙන iphone එක වගේ ලුක් එක තියෙන ෆෝන් එකක්. අනික බජට් එකට සෙට් වෙන්නත් ඕනෙ. කොහොමහරි විභාගෙ හින්ද නෙට් යෑමත් බල්ලට ගිහින් තිබ්බෙ. ඒ අස්සෙ smart phone පිස්සුවත් ටිකක් අමතක වෙලා ගියා. අන්තිමට සාපෙ ලංවෙලා මොනවද මන්ද බොරු ටිකක් ලියල දාල ඒකත් ඉවර කලා.

ඊට පස්සෙ ආයි නිදහසේ ඉන්නකොට තමයි මට Android ඇම්ම හොදටම තද වුනේ. භාග්‍ය අයියගෙ widows mobile phone එක හින්ද මටත් වින් මොබ් වලටත් පොඩි ආසාවක් ඇවිල්ල තිබ්බෙ. ඒත් ඒ දවස් වල තිබ්බ FOSS ඇම්ම හින්ද වින්ඩෝස් මොබයිල් ගැන තිබ්බ ආසාව අතඇරල ආයි ඇන්ඩ්‍රොයිඩ් වලටම බැස්ස. අනික මේ දවස් වල මට symbion පෙන්නන්නම බෑ. අල්ලන අල්ලන හැම nokia ෆෝන් එකටම මොකක් හරි මගුලක් වෙනව. අනික symbian මටනන් මාරම ස්ලෝ. ඒවගේම symbian ගැන මගෙ තිබ්බ ප්‍රතිරූපෙත් එච්චර හොද එකක් නෙමේ (nokia කාරයින්ටත් symbian එපාවෙලා අතඇරිය එකේ තවත් මේ ගැන වෙන මොන කතාද)

කොහොමහරි මේ දවස්වලනන් LG Optimus one phone එක ගැන ටිකක් හිත හිත ඉන්නෙ. දැනට සෙට්වෙච්ච බජට් එකත් ශේප්, මට ඕනම කරන features තියෙන ෆෝන් එකක්. ඒත් Tablet එකක් ගන්නත් පොඩි අදහසක් තියෙනව. අබාන්ස් එකේනන් Android 2.2 රන් වෙන Toshiba Smart Book - AS100 කියල ටැබ්ලට් එකක් තියෙනව. ඒත් මේකෙ Wifi විතරයි. අනික ඒක ඒ ගානට හොදටම වැඩී වගේ, Samsung Galaxy ටැබ් එකත් ආව ගමන්ම නිසා ගාන අම්බානටම වැඩී. ඒ අස්සෙ තව ෆෝන් ටිකකටත් පිස්සු හැදිල ඉන්නෙ.

ගොඩක් reviews වල තියෙන විදියටනන් Optimus one එක ගොඩක් හොද user expreince එකක් ගන්න පුලුවන් phone එකක්. අනික මට ඕනකරන හැමදෙයක්ම වගේ මේකෙ තියෙනව. (කැමරාව හැර) අනික මන් ගොඩක් දුරට පාවිච්චි කරන්නෙ Google Services හින්ද මේකෙන් මට ගොඩක් ලේසියෙන් වැඩකරගන්න පුලුවන්. අහ් තව සිංහල වැඩ වලටනන් ෆෝන් එක රූට් නොකරම ධනික අයියගෙ SETT Browser එක පාවිච්චි කරන්නත් පුලුවන්. අනික Android වලටනන් අම්බානට ඇප් තියෙන හින්ද වෙන ප්‍රශ්නත් නෑ. ඉතින් මේ සීන්කෝන් සේරම හින්ද මේ දවස් වල මන් Android එක්ක ආලයෙන් වෙලිල ඉන්නෙ :P

Sumatra PDF reader - Sinhala interface

2011-01-21T02:41:00.000+05:30

මයික්‍රෝසොෆ්ට් වින්ඩෝස් මෙහෙයුම් පද්ධතිය පාවිච්චි කරන ගොඩක් දෙනා PDF Reader එකක් විදියට පාවිච්චි කරන Adobe Reader වැනි මෘදුකාංග භාවිතයේදී පරිගණකයෙ සම්පත් විශාල ප්‍රමාණයක් අවශ්‍යය කරන නමුත් මෙයට විකල්පයක් විදියට වින්ඩෝස් මෙහෙයුම් පද්ධතියකදි පහසුවෙන් භාවිත කරන්න පුලුවන් සරල, නිදහස් හා විවෘත මෘදුකාංග PDF කියවනයක් විදියට Sumatra PDF මෘදුකාංගය හදුන්වන්න පුලුවන්. සරල අතුරුමුහුණතක් පැවතීම මෙන්ම භාවිතයේ ඇති සරල බවට අමතරව පරිගණකයේ ස්ථාපනයකින් තොරව වැඩකිරීමේ හැකියාව ඇති (Portable) සංස්කරණයකින්ද සමන්විත බැවින් වින්ඩෝස් මෙහෙයුම් පද්ධතිය මතදී ඉතා පහසුවෙන් PDF ගොනු කියවීමට Sumatra PDF මෘදුකාංගයේ සහය ලබා ගන්න පුලුවන්.

ඉතින් අද කියන්න යන්නෙ මේ Sumatra PDF මෘදුකාංගය සිංහල භාශාවෙන්ම භාවිත කරන්න පුලුවන් එක ගැන. මේකට ගොඩක්ම ස්තූතිවෙන්න ඕන දමිත්ට. මොකද මට මේක ගැන මුලින්ම විස්තර කිව්වෙ දමිත්. කොහොමහරි අතුරුමුහුණත සිංහලට පරිවර්ථනය කරල මෘදුකාංගයෙ නිර්මාතෘ Krzysztof Kowalczykට යැව්වට පස්සෙ එදාම වගේ PDF reader එකේ pre release version එකට සිංහල අතුරුමුහුණතත් එකතුකරල තිබ්බ. ඉතින් ඒ ගැන ඔහුටත් ස්තූතිවන්ත වෙන්න ඕනෙ. ඒත් දැනට සිංහල තියෙන්නෙ pre release version එකේ විතරයි. කට්ටියට ටෙස්ටින් පාරක් දාල බලන්න ඕන්නන් මෙතනින් ඒක ගන්න පුලුවන්. කොහොම උනත් Sumatra PDF 1.3.0 release එකේ ඉදල දිගටම සිංහල අතුරුමුහුණත පාවිච්චි කරන්න පුලුවන්. කරන්න තියෙන්නෙ Settings වලින් Change Lanuage ගිහිල්ල සිංහල තෝරන එක විතරයි.

ඒ වගේම මම තනියම කරපු පලවෙනි localization ව්‍යාපෘතිය නිසා ගොඩක් අඩුපාඩු තියෙන්නෙ පුලුවන්. ඒ නිසා භාවිත කරද්දි සිංහල වචන වල මොකක් හරි වැරැද්දක් දැක්කොත් ඒ ගැන මට දන්වන්න කියල හැමෝගෙන්ම කාරුණිකව ඉල්ලා සිටිනව. ඊට අමතරව ඕනම කෙනෙක්ට මේ සදහා දායක වෙන්නත් පුලුවන්, ඒ මෘදුකාංගයට අමතරව Sumatra PDF වෙබ් අඩවියත් සිංහලට පරිවර්ථනය කරන්න පුලුවන් නිසා, ඒ ගැන උනන්දුවක් දක්වන කෙනෙක්ට මෙතනින් සියලුම විස්තර ලබා ගන්න පුලුවන්.

එහෙනන් දැන් ඉතින් වින්ඩෝස් පාවිච්චි කරන ඕනම කෙනෙක්ට Sumatra PDF වෙබ් අඩවියෙන් නොමිලේම මෘදුකාංගය බාගතකරගන්න වගේම අතුරු මුහුණතත් සිංහලෙන්ම පාවිච්චි කරන්න පුලුවන් :-)

අපගේ බලවත් ශෝකය

2010-11-06T16:17:00.002+05:30

සමාවෙන්න ඕනි අද කෂ්ටියට උදෙන්ම ගොඩාක් ශෝකජනක සිද්ධියක් කියන්න වෙන එක ගැන.ඒත් මේක නොකියා කෝමද...හිතේ තියෙන දුක කෂ්ටයත් එක්ක බෙදාගන්න හිතුනා.හිතේ තද කරන් දුක් විදිනවට වඩා හොදයිලුනේ කාට හරි කියලා හිත සනසා ගන්න එක.

අපි අතර සිටි "ඇය".........හ්ම්ම්ම්ම්ම්ම්......

කොතනින් පටන් අරන් කොතනින් ඉවර කරන්නද මන්ද.....හිතාගන්න බෑ....හීනයක් වගේ......

ඇය අපිට හමුවුනේ අපේ වාසනාවටද මන්ද....අපි හමුවුන විදිහ හරිම පුදුමයි.හිතාගන්න බෑ.ඇත්තම කිව්වොත් අහම්බෙන් වගේ.....

අපිට බනින්න...කෑගහන්න....අපේ වැරදි පෙන්නන්න....විහිළු කරන්න...බයිට් කරන්න......බයිට් වෙන්න (වැඩිපුරම)....රණ්ඩුවෙන්න....අපිව හිනස්සන්න....අපේ දුක බෙදාගන්න....මේ හැමදෙකටම අපි ලගින්ම හිටියේ ඇය......

ඇත්තටම අපි සමග සිටි ඇය ගැන නම් පුදුම දුකක් දැනෙන්නේ....ඒ දුක කියන්න බැරි තරම්.....බ්ලොග් ලියන අපේ සහෝදර සහෝදරියන්ටත් මේක ඇත්තටම දරාගන්න අමුරුයි කියලා අපි දන්නවා.ඒත් මේක තමයි අපේ ජීවිතේ.......අපි ඒකට මුණ දෙන්න වෙනවා....

කවුද ඇත්තටම මේ ඇය....

වෙන කවුරුත් නෙවේ ඇය අපේම කෙනෙක්....මෙන්න මෙතනින් ගිහින් "ඇය" කවුද කියලා බලන්නකෝ.......

දැන් දන්නවනේ කට්ටිය....ඇය හරියට මල් කුමාරියක් වගේ....ඒත් මොනාකරන්නද....මේක තමයි අපි හැමෝටම උරුම දේ.....

ඉතිං ඇයට මොකද වෙලා තියෙන්නේ....?

ම්ම්ම්ම්ම්ම් ඇ...ඇය.... අනේ මන්ද මේවා කොහොම කියන්නද කියලා හිත හදාගන්න බෑ.....

කවදා හරි මේක දැනගන්න වෙනවනේ...ඔන්න එහෙනම් කියන්නම්.....මොනා කරන්නද ඉතිං දුකයි කියලා.....

ඒ තමයි ඇය....ඇය.....තව අවුරුද්දකින් වයසට යනවනේ....

මොකක්.....!!!!

ඔව් ඔව් අද එයාගේ උපන්දිනේ.....ඉතිං දුක නැද්ද අප්පා.....මේ මල් කුමාරි වගේ ඉන්න අපේ මේ හසී නඟා (හසී කෙල්ල) තව අවුරුද්දකින් වයසට යන එක ගැන....ඇත්තටම හරිම දුකයි.....(දැනටත් අවුරුදු 80ක් විතර වෙනවා මයේ හිතේ‍‍‍‍...මේකප් එකෙන්නේ ඔය අවුරුදු 40ක විතර පෙනුම අරන් තියෙන්නේ.....)

ඒත් ඉතිං කොච්චර දුක වුනත් ඒක සමරන්න එපායෑ...නැතිනම් දුකෙනුත් වැඩක් නෑනේ......

ඔන්න ඉතිං අපේ "හසී ෆැමිලි" එකේ සෙට් එකයි....ඇයි අනේ මේ එස්.බී.යු. හෙන සෙට් එකයි.... කෂ්ටයම එකතුවෙලා අපේ හසී නඟාට හදවතින්ම සහ බොක්කෙන්ම සුභම සුභ උපන්දිනයක් වෙන්නත්, හිතන පතන සියළුම දේ ඒ විදිහටම වෙන්නත්, හිතේ සතුට රැදෙන්නත්, ජීවිතය සාර්ථක වෙන්නත් කියලා ප්‍රාර්ථනා කරනවා...

එහෙනම් ඔන්න අපේ හසී නඟාට සුභ පතන්න කෂ්ටිය අමතක කරනවා එහෙම නෙවේ ඕන්...නැතිනම් දුක හිතෙයි එයාට...

කේක්...?? ඉතිං අපෙන් ඉල්ලන්නේ....එයාගෙන්ම ඉල්ලගන්න....
දෙයි දෙයි කෂ්ටියට කේක් එයාම හදලා දෙන්න ඕනි කියලා ඔන්න දැන් මාස ගානක ඉදන් එයා කුකරි ක්ලාස් එකකටත් ගියා......

කෝ කෝ කෂටිය චියර් එක්ක දෙන්න අපේ එසී කෙල්ල කේක් එක කපන්න යන්නේ......එහෙනම් ඉතිං කෂ්ටිය එකතු වෙලා කියන්නකෝ....

(හෙමින් පිඹින්න හසී කෙල්ලේ....නැතිනම් ඉටි පන්දම් නිවෙන එක කෙසේ වෙතත් ඔයා පස්සට විසික්වෙයි...අර නිව්ටොන් අයියගේ කොල කොල දේ පල පල දේ තියොරිය තාමත් මතක ඇතිනේ......)

හැපි බර්ත් ඩේ ටූ යූ
හැපි බර්ත් ඩේ ටූ යූ
හැපි බර්ත් ඩේ ඩියර් හසී කෙල්ලේ......
හැපි බර්ත් ඩේ ටූ යූ.....

ෂා නියමයි....ඔය තියෙන්නේ......

එහෙනම් අපේ හසී නඟාට අපි ආයෙත් සුභ පතන ගමන් එයාගේ ගෙවල් පැත්තට යන්න සෙට් වෙමු....අද එහෙ පාර්ටි එකක්ලුනේ....ඔව් ඔව් කන්න බොන්න බැරිනම් නාන්න වුනත් දෙන්නම්ලු......එහෙන්ම කෂ්ටිය තෑගි බෝග අරන් ඒ පැත්තට යමු......අපිත් එක්කම යන්න පුළුහන්නේ.....නඟින්නකෝ මෙහෙන්ම ලොරියට....නෑ නෑ ලොරියක් කිව්වට මේක හෙන දිග කන්ටේනර් එකක්...කෂ්ටියටම යන්න හැදුවේ....කෝ කෝ ඉක්මන් කරන්න....ඔන්න එහෙනම් අපි ගියා......

උදේ සුපිපුණු මලක් බදු
ළපටි අත පය හූඟක් මුදු
අම්මා හරි ආදරෙන් හැදු
අපේ නංඟිගේ නමයි සුදු.....

අපි
෴ හසී පවුලේ සාමාජිකයෝ ෴
(ඔබේම නිවුන් සහෝදරයෝ)

එන්න රහසක් කියන්න

2010-10-31T07:42:00.001+05:30

එන්න එන්න...

ෂ්ෂ්ෂ්..... වැඩිය සද්ද කරන්න එපා....

අද අපි කට්ටියම එකතුවෙලා කෙනෙක්ව පුදුම කරමුද?

කාවද? කෝ කාවද?

අර ඉන්නේ දැක්කාද?

ෂ්ෂ්ෂ් කෑගහන්න එපා..එයාට ඇහෙයි..

(කට්ටියට රහසින්)අද එයාගේ උපන්දිනේ අපි එකතුවෙලා හොරෙන් හොරෙන් ගිහින් එක පාරටම කෑගහලා විෂ් කරමු...
එහෙනම් කට්ටිය ලැස්තියිනේ... ඔන්න
එකා....යි
දෙකා....යි
තුනා....යි

හා දැන් තාලේට කියමු..

හැපි බර්ත්ඩේ ටූ ‍යූ

හැපි බර්ත්ඩේ ඩියර් හසියෝ..

හැපි බර්ත්ඩේ ටූ ‍යූ...

එන්න එන්න කට්ටියම කේක් කන්න...................

එන්න මල්ලි එන්න නංගි නැගිටලා

මෙන්න අයියේ මෙන්න අක්කේ රස කථා

කේක් ගෙඩිය කපලා ගන්න

බීම එකක් හදලා බොන්න

එන්න මල්ලි එන්න නංගි නැගිටලා

එන්න අයියේ එන්න අක්කේ හැඩදමා

එලි වෙනකම් සින්දු කියමු රොක් වෙලා

ලෝකේ තියෙන හොදම පාටිය

එලි වෙනකම් අපේ ජොලිය

ගන්න කේක් ගන්න කේක් එක් වෙලා...

**************************************************************

දිගු ජීවන ගමන් මඟේ

විසි දෙවන සැතපුම් කණුව පසුකරන

අපගේ ආදරණීය සොහොයුරාට

සියලුම පැතුම් ඉටුවන

සුබම සුබ උපන්දිනයක් වේවා...!!

මුලු හදවතින්ම සුබපතන

අපි

෴සාඩම්බර හසී පවුල෴

දුටු තැන අල්ලනු

2010-10-06T16:20:00.009+05:30

අසවු!! අසවු!!
ඉහත රූපයේ සිටින සොර දෙටුවා දුටු තැන අල්ලන ලෙස හසී පවුලේ උසාවිය නියෝග කර ඇත.

අද දින (06/10/2010) මොහුගේ වයස 21 සම්පුර්ණ වන බැවින් මොහු දුටු තැන අල්ලා කේක් ලබා ගන්නා ලෙස මේ අඬ බෙරයෙන් දැනුම් දෙමු.

(ඩුම් ඩුම් ඩුම්..........)

(මෙහෙමයි අපි අපේ කතා හසීගේ උපන්දිනේ සැමරුවේ)

දිවිමගේ තවත් එක් පියවරක් ඉදිරියට තබන අපේ සොහොයුරාට සුභ උපන් දිනයක් වේවා......!!!

හදවතින් සහ බොක්කෙන් සුභ පතන<
අපි
෴ සාඩම්බර හසී පවුලේ සාමාජිකයෝ ෴

උදරය ගෙවත් මගෙ බඩ

2010-09-29T11:47:00.010+05:30

"හලෝ මචන් උබලව දැක්ක කල්" පෙරේද මන් පොඩි ගමනක් ගිහිල්ල එද්දි අයිය කෙනෙක්ව සෙට් උනා. මෑන්ව දැක්කම නිකන් අදුරගන්නත් බෑ වගේ... මෑන් කතාකරනකන් මන් ඇත්තටම දැක්කෙත් නෑ. දැක්කත් එකපාරටම අදුරගන්නත් බෑනෙ. මූ කලින් හිටියෙ කිරි ඉබ්බ වගේ හිටියෙ දැන් බැලින්නන් ගල් ඉබ්බ වගේ, ඒකයි සීන් එක මන් ඉතින් පොඩි වචනයක් දෙකක් දාල පොඩි ටෝකක් දාන් ඉන්න කොට තමයි දැනගත්තෙ මෑන් ජිම් එකකට සෙට් වෙලා බරටම ඇග හදාගන්න ට්‍රයි එකක් දානව කියල.

ඒ අස්සෙ මේක මගෙන් අහනව "මචන් දැන් උබෙත් වැඩී නේද",කියල. මට මූ කිව්ව ගමන් තේරුනෙත් නෑ බැලින්නම් මේ අහල තියෙන්නෙ මගෙ බඩ ගැන. ශිට්! කොහෙද මතක කාලෙක ඉදල ගෙට වෙලා හිටිය මිසක් (ගෙට වෙලා කිව්වෙ ගෑනු ළමයි ගෙට වෙනව වගේ සීන් එකක් නෙමේ ඔන්) ඇගට දැනෙන වැඩක් කරගන්න බැරි උනානෙ පොඩි පොඩි දේවල් ට්‍රයි කලාට ඒවත් හරි ගියෙ

ත් නෑ. අපොයි කොහොමහරි මේ වයසට මට වෙච්ච දෙයක්

මටත් ඉතින් ලගකදි ඉදල ටිකක් ඇග හදා ගන්න පොඩි පහේ ඕමනාවක් තිබ්බට තාම ඒ වැඩේට අතගහගන්නවත් බැරි වෙච්ච එකේ මාත් මෑන් ගෙන් විස්තර ටිකක් එහෙම අහගෙන ගේමට එන්ටර් වෙන්න තීරණය කරල ගෙදර ගියා.

ගෙදර ගිහිල්ල දාන්න තියෙන හැම වැඩකෑල්ලක්ම දාල හා හා පුරා කියල ශුබ නැකතින් අම්මට කිව්ව විතරයි... පටත් ගත් තැනම වැඩේ අතාරින්න සිද්ධ වුනේ. (කොහෙද කෙල්ලෙක් වත් උනානන් මායන් 64න් එකක් දෙකක් දාල මොකක් හරි කරගන්නවත් තිබ්බ... ඒත් ඉතින් අපි කියල මොනව දාන්නද) ඒත් ඉතින් අපි එහෙම සැලෙනවැයැ. බඩ පස්ස්ට දාල පපුව ඉස්සරහට දාල දකුණු කකුල පෙරට තියල තාත්ත ගාවට ගියා. ගිහිල්ල ස්ටෝරිය කියන්නත් කලින් තාත්ත වැඩේට ෆිට් ... හම්මෝ යන්තන් ඒකත් ශේප්.

තාත්ත හිතන්න ඇති මූ මේ විදියට ගියොත් කොහෙන් ඉතුරු වෙයිද දන්නෑ කියල... ඕන් ඉතින් කොහොමින් කොහොමින් හරි මාත් එහෙනම් ලබන සතියෙ ඉදල ජිම් එකකට සෙට් වෙලා බඩ අඩු කර ඇග හදා ගැනීමේ වැඩ සටහනකට එන්ටර් වෙනව ඒත් පොඩි අවුලකට කියල තියෙන්නෙ කෑම පාලනය තමයි. ඒත් ඉතින් කොහොමහරි කරල වැඩේ ගොඩ දා ගන්න ෆුල් ට්‍රයි එක දාන්න ඕනෙ

ප/ලි
මේක මට මේ නිකන් ඉන්න බැරුවට ලිව්වෙ.

සුභ උපන්දිනක් වේවා

2010-09-09T14:38:00.005+05:30

මල් ලොවට පිපි එන රතු රොස් මල වගේ
දෙවු ලොවට පා තැබුව හිම කුමාරිය වගේ
බ්ලොග් ලොවට කැලෙන් ආ සුදු පුළුන් හාවිගේ
උපන් දින සැමරුමට මෙන්න පැතුමක් අපේ.......

අද ඉතිං මේ අපේ පැන පැන යන හා පැටික්කිගේ උපන්දිනේ නොවැ.....ඉතිං අපි හිතුවා බ්ලොග් අවකා‍ශයේ ඉන්න කෂ්ටියත් එකතු කරගෙන අපේ හා පැටික්කිට සුභ පතන්න.......

කෝ එහෙනම් කට්ටිය දෙන්න බලන්න අත් හොදට උස්සලා අත්පුඩියක්........හරි හරි බොහෝමත්ම ස්තූතියි...දැන් කට්ටියම එකතු වෙලා හා පැටික්කි ඉටි පන්දම් නිමනකොට කියන්න අපිත් එක්ක හයියෙන් කෑගහලා.....

" හැපි බර්ත් ඩේ ටූ යූ......
හැපි බර්ත් ඩේ ටූ යූ......
හැපි බර්ත් ඩේ ඩියර් හා පැටික්කි......
හැපි බර්ත් ඩේටූ.... යූ......!!! "

ආ....නියමායි නියමායි.......

හා පැටික්කිගේ හා හදවතේ තියෙන සියළුම පැතුම් ඉටුවෙන්නත්‍‍‍...අනාගතය හිතනවටත් වඩා සාර්ථක වෙන්නත්....ඊයේ පෙරේදා ලියලා ඉවර වුන අ.පො.ස. උ.පෙ. ත් හිතනවටත් වඩා හොදට (පියාඹන පාට සහිතව) පාස් වෙන්නත්....අපි සමගම බ්ලොග් අවකාශය තුල පැන පැන යමින් චිරාත් කාලයක් ලිපි ලියන්නත්....ශක්තිය ධෛර්යය ලැබෙන්න කියලත්....අපි හැමෝම මුළු හදවතින්ම සුභ පතනවා.....

පැන පැන යන අපේ හා පැටික්කිට සුභම සුභ උපන්දිනයක් වේවා.......!!!

මෙන්න අපෙන් තෑගී.........

බ්ලොග් අවකාශයේ
සැරිසරන විට හමුවූ,
අවිහිංසක, කටකාර,
කවිකාරියකි නුඹ,
විටෙක යෙහෙලියකි,
විටෙක නැගණියකි,
ජීවන මගේ තවත් එක්
පියවරක් ඉදිරියට තබන
අපගේ ආදරණීය සොහොයුරියට
උපන්දින සුබ පැතුම් ගෙන එමි මෙසේ..........

මෙන්න තව තෑගි.....

දැන් කට්ටියට කවන එකයි ඇත්තේ කැරට්.....අහ් වැරදුනා කේක් කේක්.........

හා පැටික්කිගේ උපන් දිනය අමතක නොකල අපි.....

෴ සහෘද සිංහල බ්ලොග් කැල ෴
෴ සාඩම්බර හසී පවුල ෴
෴ වත් අක්කී ෴

මොකෝ කියන්නෙ?

2010-08-29T17:01:00.005+05:30

අපේ ලොකු සීය තමයි ඉස්සර මට කවි කතන්දර වැඩි හරියක් කියල දෙන්නෙ. පොඩි කාලෙනම් මන් වැඩිහරියක් හිටියෙ ලොකු සීයලගෙ ගෙදර. එහෙ ගියාම මට අම්බානට සැලකුම්. මොකද පොඩි එකෙකුට කියල හිටියෙ මන් විතරනෙ. ඒ කාලෙ නම් මරු. මන් වැඩියෙන්ම එහෙ යන්නෙ ලොකු ආච්චි මට කජු හදල දෙන හින්ද .මොකද මන් එදත් අදක් කවදත් කපු කන්න නම් මාරම ආසයි. මන් එහෙ ගියාම අනිව මාව නාවනව(එහෙ මරු ලිදක් තියෙනව) නාල කෑවට පස්සෙ ලොකු සීය මට අනිව ලස්සන කවි කතන්දර තේරවිලි කියල දෙනව. ඒ හින්දම වෙන්න ඇති මන් පොඩි කාලෙ ඉදලම ඒ දෙන්නට හරිම ආදරෙයි. කොටින්ම ඒ දෙන්නට මන් කිසිම ජල්බරි වැඩක් කරලත් නෑ

ජල්බරි වැඩ කරල නෑ කිව්වෙ, මන් පොඩි කාලෙ හෙන මැර කේස් එකක්. එක පාරක් අපේ අයිය කෙනෙක්ව ඉබින්න ඕනෙ කියල ලන්වෙලා මෑන්ගෙ කනේ පලුවක් වෙන් නොවී බේරිලා තියෙන්නෙ නූලෙන්. නිවාඩුවකට අයියලෑ ගෙදර ගිහින් (අයිය කිව්වට මාමා වෙන්නෙ හරිනම්) මෑන් මට එලොව පොල් පෙන්නල ලිමුලක් ලියල තියෙල තනියම ගෙදර ඇවිල්ලත් තියෙනව. අපේ ඉස්කූල් වෑන් එකේ හැම එකාටම දේශපාලනේ ඉගැන්නුව, අනිව හැමදාම වගේ පිටිපස්සෙ සීට් එකේ ගහගන්නව කාත් එක්ක හරි. එක පාරක් කොල්ලෙක් එක්ක ගහගෙන උගෙ මූන හපල හෙන කේස් එකකුත් ගියා.
ඔය කේස් හින්ද අපේ වෑන් අන්කල් මට සද්දෙ දාන්න ඇවිල්ල....වෑන් අන්කල්ටත් බැනල, අන්තිමට එයාවත් මට මොකුත් කියන් නෑ. කොහොම හරි ඒ කාලෙ විනාඩි 5 කාත් එක්කවත් එල්ලෙන් නැතුව ඉන්න බෑ එක්කො බනිනව නැත්තන් කෙල ගහනව ගහ ගන්නව නැත්තන් මොකක් හරි ලොවෙත් නැති ජල්බරි වැඩක් කරනව. කොහොමහරි මේ හැම දේම කලේ 5 වසර 6 වසර වෙනකන් විතරයි. දැන් නම් පොඩි කාලෙ මාව දන්න කෙනෙක් දැක්කම අහන්නෙ මේ ඒ පොඩි එකාමද කියල. හික්!

මෙච්චර වෙලා බයිලනෙ කෙලියෙ... දැන් ආයිත් මාතෘකාවට, ලොකු ආච්චි නැති උනාට පස්සෙ. මම එහෙ හෙන අඩුවෙන් යැවෙන්නෙ, ගියත් විනාඩි 10කට වඩා ඉන්නෑ. කොහොමහරි අද ලොකු සීය අපේ ගෙදර ආව ඒ වෙලාවෙ මගෙන් තේරවිල්ලක් කියල ඇහුව තෝරන්න පුලුවන්ද කියල. මාත් හෙන ට්‍රයි එකක් දැම්ම මේ මොක්කද කියන්නෙ කියල තෝරන්න.. ම්හ්.. ඒත් ඒක එන්නෙම නෑනෙ. සීය මගෙන් ඇහුව තෙරවිල්ල තමයි,

ඇස් දහයකි අට බැල්මකි දෙකක් කණා
පය දහයකි අට පයකින් ගමන් යනා
මෙපස් දෙනෙකි පණ හතරකි ඇති සොබනා
තෝරාපන් දැන් හැකි නම් මේ කුමනා

කොච්චර ට්‍රයි කලත් මට නම් මේක ගොඩ දා ගන්න බැරි උනා. අන්තිමට ඉතින් සීයගෙන්ම උත්තරේ අහන්න තමයි උනේ. ඉතින් මට හිතුන අමුනල කරල මේක ඔයාලගෙනුත් අහල බලන්න. වැඩ්ඩෙක් ඉන්නවනම් කියන්නකො බලන්න උත්තරේ මොකක්ද කියල.මොකද කියන්නෙ? පුලුවන්ද කාටහරි මේ මොකක්ද කියල හරියටම කියන්න?

මාරයි

2010-08-26T10:53:00.007+05:30

ලෝකය කැරකෙයි
උදේ දවල් වෙයි
තිරයක් ඉදිරියෙ
ඉදගෙන ලතවෙයි

කාලය ගෙවියයි
දවල්ද රැය වෙයි
කාලය ගෙවුනත්
තවමත් එතනයි

ජීවිතෙ මෙයදැයි
විටකදි විමසයි
වෙනසක ඇරබුම
කෙදිනැයි කොතනැයි

මේ දවස් වල මට ඔය සන්තෑසිය තමා වෙලා තියෙන්නෙ

අලුත්ම ට්‍රෙන්ඩ් එක | FOSS

2010-07-28T20:56:00.013+05:30

තාමත් සමහර අය හිතන් ඉන්නෙ FOSS (Free and open source software) විතරක් පාවිච්චි කරන්න ගීක්ල වෙන්න ඕන කියල. ඒත් ඇත්තටම බැලුවොත් ෆොස් නැතිනම් නිදහස් හා විවෘත මෘදුකාංග පාවිච්චි කරන එක හරිම සිම්පල් ප්ලෑන් එකක්. දැන් තියෙන සෑම විවෘත මෘදුකාංගයක් වගේම සරල පරිශීලක අතුරු මුහුණත් පාවිච්චි වෙන හින්ද ඕනම මට්ටමක ඕනම කෙනෙක්ට තමන්ගෙ එදිනෙදා වැඩ වලට ඉතාම පහසුවෙන් විවෘත මෘදුකාංග යොදා ගන්න පුලුවන්. තමන්ට ටිකක් හරි තාක්ශණික දැනුමක් තියෙනවනම් මෘදුකාංගය කිසිම නීතිමය බලපෑමකින් තොරව කැමති විදියට වෙනස් කර ගන්න පුලුවන් වගේම ඒ වෙනස්කරපු මෘදුකාංගය යාලුවන් අතරෙ කිසිම අවුලක් නැතුව බෙදාහරින උනත් පුලුවන්. කොටින්ම කිව්වොත් විවෘත මෘදුකාංග වලදි පරිශීලකයට මෘදුකාංගයෙ පූර්ණ නිදහසම අත්විදීමේ හැකියාව ලැබෙනව.

තාමත් ගොඩ දෙනෙක් අතර තියෙන වැරදි මතයක් තමයි නිදහස් හා විවෘත මෘදුකාංග කියන්නෙ ලිනක්ස්(Linux) විතරයි කියන එක. ඒත් ලිනක්ස් කියන්නෙ නිදහසේ පාවිචිචි කරන්න පුලුවන්, තමන්ට කැමති විදියට වෙනස්කරගන්න වගේම කැමති විදියට බෙදාහරින්න පුලුවන් නිදහස් මෘදුකාංග ප්‍රජාවේ වැඩිම සහයක් ලබන ආරක්ශිත, අංග සම්පූර්ණ, විශිෂ්ට මෙහෙයුම් පද්ධතියක් (Operating System) විතරයි. ඒත් ඕනම කෙනෙක්ට ලිනක්ස් පාදක මෙහෙයුම් පද්ධතියක් නැතුව ඇපල් මැක්(Apple Mac) හෝ මයික්‍රෝසොෆ්ට් වින්ඩෝස් (Micro$oft Windows) මෙහෙයුම් පද්ධතියක උනත් ඉතා පහසුවෙන් තමන්ගෙ එදිනෙදා වැඩ වලට නිදහස් හා විවෘත මෘදුකාංග වල සහය ලබාගන්න පූලුවන්.

මේ වගේ නම්‍යශීලී හේතු නිසා මෘදුකාංග නිකන් කියල හිතාගෙන ක්‍රැක් කරපු හොර සොෆ්ට්වෙයා (software pirated copies) වලින් පරිගණකය පුරවගෙන හිටපු ගොඩක් දෙනා හොර බඩු අයින් කරල නිදහස් මෘදුකාංග පාවිච්චි කරන තැනට ඇවිල්ල තියෙනව. කොටින්ම දැන් ලංකාවෙත් FOSS කියන්නෙ අලුත්ම ට්‍රෙන්ඩ් එකක්.

ඉතින් මේ වගේ වටපිටාවක් තුල නිදහස් හා විවෘත මෘදුකාංග තවත් අපිට තවත් සමීප කරමින් FOSS User Magazine (නිදහස් හා විවෘත මෘදුකාංග ගැන කතාකරන ලංකාවෙ ප්‍රථම සගරාව) මංගල කලාපය ජුනි මාසෙ එළිදැක්වුනා. ඒ වගේම සෑම මාස 2කට වරක්ම සගරාවෙ අලුත් කලාපයක් එලිදැක්වෙනව.

සගරාවෙන් නිදහස් මෘදුකාංග ලෝකයේ අලුත්ම සිදුවීම්, අලුත් පුවත්, පාඩම්, මෘදුකාංග හදුන්වාදීම් වගේ විශාල අන්තර්ගතයන් ප්‍රමාණයක් නවමු ආරකින් ඉදිරිපත් කරල තිබීම විවෘත මෘදුකාංග ගැන නොදන්න කෙනෙක්ට උනත් මේ ගැන කුතුහලයක් ඇති කරන්න සමත් වෙන කාරණයක්.

සිංහල ඉන්ග්‍රීසි භාෂා දෙකෙන්ම විවෘත මෘදුකාංග ලෝකයට සම්භන්ධ ලිපි විශාල සංඛ්‍යාවක් ඇතුලත් වෙන නිසා සගරාව පරිශීලනය කරන නවකයෙක්ට උනත් මේ ශේත්‍රය සම්භන්ධයෙන් විශාල දැනුමක් ලබාගන්න පුලුවන් වගේම නිදහස් මෘදුකාංග වලට උනන්දුවක් දක්වන ඕනම කෙනෙක්ට සගරාවට දායක වෙලා FOSS ට්‍රෙන්ඩ් එක ලංකාව පුරාම පතුරවන්න උදව් වෙන්නත් පුලුවන්. පුදගලිකව මටත් මේ වගේ දේකට දායක වෙන්න ලැබිච්ච එක ඇත්තටම සතුටක්.

ඔයාල තවමත් සගරාව ලබාගත්තෙ නැත්තන් මෙතනින් ඔයාලගෙ පිටපත නොමිලේම ලබා ගන්න පුලුවන්.

සැවොම එක් වෙමූ - එකව නැගිටිමු
මහා බලයක් - විහිදුවාලමූ
අපේ රට හෙට..
එකම එක FOSS පුරයක්

ඩෙංගු මාරයා පරදමු

2010-07-20T18:06:00.006+05:30

මේ දවස් වල හරියට ඩෙංගු පැතිරිලා යන හින්ද අපේ දුමී අයිය ඩෙංගු උණට මරු ට්‍රික්ස් එකක් හොයාගෙන තිබ්බා. හබැයි මේකට ගමේ ගොඩේ නිතරම තියෙන ලබු ගහක් ඕන වෙනව. මොකද මේක කරන්න ල බු ගෙඩි නෙමේ ලබු කොලෙයි ගන්නෙ ලබු කොල වල ඉස්ම ඩෙංගු හැදිච්ච කෙනෙක්ට දෙන එක තමයි මේ ප්‍රතිකර්මය. මේක විද්‍යාණුකූලවත් ඔප්පු වෙලා තියෙනව වගේම භාවිත කරපු අසාධ්‍යතත්වයේ රෝගීන්ට උනත් ඉක්මන් සුවය ලැබී තිබීම සාධනීය කරුණක්. ඉතින් මොකුත් නොකර බලන් ඉන්නවට වැඩියෙ මේ වගේ දෙයක්වත් කරල අහින්සක ජීවිතයක් බේර ගන්න පුලුවන්උනොත් කොච්චර දෙයක්ද?

ගස්ලබු කොල ඉස්ම හදාගන්න පුළුවන් මේ විදිහට,

1) ගස්ලබු කොල දෙකක් ගන්න
2) ඒවා පිරිසුදු වතුරෙන් පමනක් හෝදාගන්න
3) ඒවායේ නාරටි, දඬු වගේ දේවල් ඉවත් කර කොලය පමනක් සූරා ගන්න
4) එම කොල ටික පොඩි බෙහෙත් වංගෙඩියකට හෝ එවැනි දෙයක් භාවිතා කර හොඳින් තලා ගන්න
5) ඉන්පසු පිරිසුදු රෙදි කැබැල්ලක් භාවිතා කර ඉස්ම බේරා ගන්න

මේ ආකාරයට ගස්ලබු කොල ඉස්ම මේස හැඳි දෙකක් පමණ සාදා ගත හැකි යැයි පවසණු ලබනවා. එය රෝගියාට උදේ හවස දීමෙන් ඩෙංගු රෝගීන්ව ඉක්මනටම සුවපත් කල හැකි වේ යැයි පැවසෙනවා

මේ ගැන තවත් හොදට දුමී අයය වගේම අනිත් සහෝදරයොත් ලියල තියෙනව ඒගේම අපි සිංහල බ්ලොග් ලියන අය හැටියට මේක කැම්පේන් කරමුද ? අපි හැම එක්කෙනාම මේ බෙහෙත ගැන තමන්ගෙ බ්ලොග් එකේ පෝස්ට් එකක් දැම්මොත් තව වැඩිපුර එක්කෙනෙක් හැරි ඒක දැකල ජීවිතයක් බේරුනොත් කොච්චර හොඳයිද ? දාමුද හැම එක්කෙනාම මේක ගැන පෝස්ට් එකක්. මගෙ පෝස්ට් එකෙන් ඕන දෙයක් පිටපත් කරගන්න. අපි සමාජය දැනුවත් කරමු කරුණාකරල

බී.අයි.ටී හරි , මදුරු තෙල් හරි ගහනකන් බලාගෙන ඉන්නෙ නැතිව අපිට ජීවිත කීපයක් හරි බේරගන්න පුළුවං උනෝතින් ඒක තමා සිංහල බ්ලොග් කරුවන් විදිහට අපිට කරන්න පුළුවං ලොකුම සද්කාරිය.

අහන් ඉන්න අහගෙන ඉන්න

2010-07-10T13:11:00.006+05:30

මේ සින්දුව මට මුලින්ම අහන්න හම්බුනේ යූ ටියුබ් එකෙන්. එදා මේක අහද්දි මට මාර ගතියක් ආවට වැඩ ගොඩක් අස්සෙ හිටිය හින්ද සම්පූර්ණයෙන්ම අහන්නවත් බැරුව ගියා.ඒත් දැන් නම් මට මේ සින්දුව කොච්චර ඇහුවත් එපා වෙන් නෑ ඒත් මට මේකෙ ගායිකාව ගැන නියම විස්තරයක් දැන ගන්න හම්බුනෙත් නෑ.ඒ වගේම මන් කීයටවත් හිතුවෙ නෑ මේ සින්දුව කියන ඒ ගායිකාවත් අන්ධ කෙනෙක් කියල ඒත් අද පැල්පතේ මේ සින්දුව ගැන දාල තිබ්බ පොස්ට් එකෙන් තමයි මන් දැනගත්තෙ මේ සේරම විස්තර නමුත් ඒ අයියවත් තාම දන්නෙ නෑ ගායිකාව හරියටම කවුද කියල ඒත් මේකලා ගමගේ කියල නමක් වීඩියෝ එකේ නම් තියෙනව.

සින්දුවෙ නියම රසය විදින්න නම් ඒ ගායිකාව ගායනා කරන නියම ක්ලැසිකල් විදියට තියෙන සින්දුව අහන්නම ඕන. මේකෙ mp3 එක ඩවුන්ලෝඩ් කර ගන්න පැල්පතේ පෝස්ට් එකෙයි හෙලය අයියගෙ මියුසික් විතරයි එකේ පෝස්ට් එකකයි දීල තියෙනව ඉතින් මන් යූටියුබ් එකේ තියෙන ක්ලැසික්ල් එක දාන්නම් ඔයාලත් අහන්න මැක්සා

මේකෙ රොක් විදියට තියෙන සින්දුවකුත් තියෙනව ඒත් මන් ක්ලැසිකල් එක තරන් නම් රොක් එකට ආස නෑ

ඔයාලට මේ සින්දුව ගැන තවත් වැඩි විස්තර ඕන් නම් පැල්පතේ පෝස්ට් එක කියවන්න. මොකද ඒකෙ මේ ගැන ගොඩක් විස්තර දාල තියෙනව මට මේ පෝස්ට් එක ලියන්න හිතුනෙත් ඒක දැකලම තමයි.

හපොයි.... මගෙත් කමෙන්ට්ස් නෑනෙ

2010-07-06T18:02:00.004+05:30

දැන් ටිකකට කලින් බ්ලොග් කීපයක කමෙන්ට් කරල එද්දි දැක්ක ළමයගෙ සහ අයේෂ් අයියගෙ අලුත් පෝස්ට්."එයාල ලියල තිබ්බෙ බ්ලොග් එකේ කමෙන්ට්ස් නැති වීම ගැන". ඉතින් ඒක කියෙව්වම මට හිත්නෙ දෙන්නටම මොකක් හරි අවුලක් වෙලා කියල...ඉතින් මන් ඒ දෙන්නටත් කමෙන්ට් කරල ඊමේල් බලන්න ගියාම මගෙ කලින් පෝස්ට් එකට දාපු කමෙන්ට් වල නොටිෆිකේශන් වගයක් තිබ්බා.මන් ඒවට රිප්ලයි එකක් දාන්න බ්ලොග් එකට හිහිල්ල බැලින්නම් ඒවා නෑ

ඊට පස්සෙ මන් කලින් කමෙන් දාපු බ්ලොග් වලට ගිහිල්ල බැලුවහම ඒවලත් දාපු කමෙන්ට් තිබ්බෙ නෑ. මට පේන විදියට නම් මේක බ්ලොග්ස්පොට් වල අවුලක් වෙන්න ඇති....කොහොමහරි මේක ඉක්මනට හරි ගියොත් හොදයි

Ubuntu පවුලේ සාමාජිකයෝ

2010-07-05T11:32:00.024+05:30

හැමෝම ඉතින් උබුන්ටු ගැන නම් දන්නවනෙ. ඒත් අද මන් ෆේස් බුක් එකේ චැට්

කර කර ඉන්න කොට සමීරය මට ලින්ක් එකක් දුන්න. ඉතින් මාත් ගිහිල්ල බැලුව මොකක්ද මේ කියල ගිහිල්ල බැලින්නම් මේක කිරි ටොයියෙක්නෙ මේකෙ නම ලුබුන්ටු(Lubuntu). උබුන්ටු පව්ලෙ සාමාජිකයෙක්.මේක හදල තියෙන්නෙ උබුන්ටු වලට LXDE(Lightweight X11 Desktop Environment) එකතු කිරීමෙන්. ඉතින් මේක දැක්කට පස්සෙ මට හිතුනා උබුන්ටු පවුලෙ ඉන්න අනිත් සාමාජිකයො ගැනත් පොඩ්ඩක් හොයල බලල ඒ ගැන පොඩි සටහනක් දාන්න

Ubuntu Server Edition
මේක ගැනත් ඉතින් හැමෝම දන්නවනෙ. සර්වර් පරිගණක සදහා භාවිත කරන්න පහසු වන විදියටයි මේක හදල තියෙන්නෙ,මෙමගින් ඊ මේල් හසුරුවන්න,ජාලයෙ ප්‍රින්ටර් හසුරුවන්න,ෆයිල් සර්වරයක් විදියට ක්‍රියා කරවනව වගේ ගොඩක් දේවල් කරන්න පුලුවන්

Kubuntu
කුබුන්ටුත් සාමාන්‍යයෙන් ජනප්‍රිය මෙහෙයුම් පද්ධතියක්. මේකෙ තියෙන විශේෂත්වය තමයි සාමාන්‍ය උබුන්ටු වල තියෙන Gnome පරිශීලක අතුරුමුහුණත වෙනුවට KDE යොදල තියෙන එක.එහි ඇති මනරම් බවත් වින්ඩෝස් මෙහෙයුම් පද්ධතියට ඇති සමාන කමත් නිසා ලිනක්ස් වලට නවකයෙකුට මුලින්ම භාවිතා කරන්න පුලුවන් ඩෙක්ස්ටොප් එන්වයමන්ට් එකක් විදියටත් KDE හදුන්වන්න පුලුවන්. කට්ටියට මතකත් ඇතිනෙ මාත් කුබුන්ටු වලට වහ වැටිල කුබුන්ටු දාල ෆුල් නිදහස් වෙච්ච සිද්ධිය එහෙම

Xubuntu
මේ මෙහෙයුම් පද්ධතියට භාවිත කරල තියෙන්නෙ Xfce කියන ඩෙක්ස්ටොප් එන්වයමන්ට් එක. මේකෙ තියෙන විශේෂත්වයක් විදියට මේක හදල තියෙන්නෙ අඩු කාර්යක්ශමතාවක් ඇති පරිගණකයකට උනත් හොදට වේගවත්ව හා කාර්යක්ශම විදියට කියා කරන්න පුලුවන් වෙන්න

Lubuntu
මේක තමයි අද මට හම්බුන කිරි ටොයියා.මෙයා නිසා තමයි මේ පපෝස්ට් එක දාන්නත් අයිඩියා පාරක් ආවෙ. මේ මෙහෙයුම් පද්ධතිය LXDE ඩෙක්ස්ටොප් එන්වයමන්ට් එක සහිත අඩු සම්පත් භාවිත කරන නමුත් ක්‍රියාශීලී ගින්දර වගේ බඩුවක්.

Edubuntu
මේක ඇවිල්ල අපි වගේ ඉගෙනගන්න පොඩි කොල්ලන්ව ඉලක්ක කරල හදපු අංගසම්පූර්ණ ලිනක්ස් පාදක කරගත් මෙහෙයුම් පද්ධතියක්.නමෙන්ම ඒක පේනවනෙ මේ තුළ අධ්‍යාපනික මෘදුකාංග රාශියක් අන්තර්ගතයි. මේක අපේ සසිත් කොල්ල නම් පාවිච්චි කරනව් ද කොහෙද...මොකද සසිතය තමයි මට මුලුන්ම මේක දාල බලන්න කිව්වෙ

Ubuntu Studio
මල්ටිමීඩියා කටයුතු සදහා ඇති අනගි උබුන්ටු පාදක පද්ධතියකි

Mythbuntu
උබුන්ටු හා Myth TV මූලික කර ගත් මීඩියා සෙන්ට ඕ.එස් එකක් විදියට හැදින්විය හැක

Ubuntu Mobile
උබුන්ටු මොබයිල් මෙහෙයුම් පද්ධතිය නිශ්පාදනය කරල තියෙන්නෙ විශේෂයෙන්ම ජංගම උපාංග සදහායි

Ubuntu Netbook Edition
මේ උබුන්ටු සංස්කරණය තියෙන විශේෂත්වය තමයි ඇටම් නෙට් බුක් (Atom Netbook) පර්ගණක සදහා නිශ්පාදනය කර තිබීම.උබුන්ටු නෙට් බුක් සංස්කරණයෙ මුල්ම නිකුතුව සිදු වුනේ 2008 වසරෙ.එතැන් පටන් මේ දක්වා සිදු උනු සෑම උබුන්ටු නිකුත්කිරීමක් සමගම මේ මෙහෙයුම් පද්ධතියෙත් නව සංස්කරණක් ඉදිරිපත් කෙරෙනව

මේවට අමතරව Gobuntu සහ Ubuntu JeOS යන මෙහෙයුම් පද්ධතිත් උබුන්ටු පවුලෙම සාමාජිකයො දෙන්නෙක්

ඩෙබියන් මෙහෙයුම් පද්ධතිය පාදක කරගෙන උබුන්ටු නිපදවල තියෙනව ව්ගේම උබුන්ටු පවුලෙ සාමාජිකයන්ට අමතරව උබුන්ටු පාදක කර හත්ත මෙහෙයුම් පද්ධතිත් විශාල ප්‍රමණයකුත් හිතේ හැටියට තෝර ගන්න තියෙනවා.....මේකෙනුත් නිදහස් හා විවෘත මෘදුකාංග වල තියෙන තෝරාගැනීමේ නිදහස එලකිරි වගේ ඔප්පු වෙනව නේද?

උසස් පෙළට ICT කිරීම හා කැම්පස් යාම

2010-07-04T10:31:00.022+05:30

2009 වසරෙ ඉදල උසස් පෙළ විශය නිර්දේශය සදහා තොරතුරු හා සන්නිවේදන තාක්ශණය (Information and Communication Technology) ප්‍රධාන විශයක් විදියට හදුන්වල දීල තිබුනත් ඒ සදහා ඉදිරිපත් වන සිසුන් සංඛ්‍යාව නම් ප්‍රමාණාත්මකව පහල අගයක තමයි තියෙන්නෙ. මේකට ප්‍රධාන වශයෙන්ම සිසුන් මෙවැනි විශයක් ගැන දැනුවත් නොවීමත්,විශය සදහා සිසුන් ඉදිරිපත් කිරීමට පාසල් වල ඇති අකමැත්තත් (සිසුන්ගේ ලකුණු අඩුවේයැයි යන මතය) මූලිකව බල පානවා

නමුත් තොරතුරු තාක්ශණය ඕනෑම විශය සංකලනයක් සමග හැදෑරිය හැකි නම්‍යශීලී විශයක් වගේම ගණිත අංශයෙන් හැදෑරීම මගින් විශ්ව විද්‍යාල පාථමාලා රාශියක් විවර වෙලා තිබුනත් ගොඩ දෙනෙකුට තියෙන මූලිකම ගැටලුවක් තමයි තොරතුරු තාක්ශණය හැදෑරීම මගින් තමන්ට අනාගතයේ මොනවගේ විශ්වවිද්‍යාල පාථමාලා හදාරන්න පුලුවන්ද වෙයිද කියන එක නමුත් මුලින්ම කියන්න ඕන දෙයක් තමයි රසායන විද්‍යාව වෙනුවට තොරතුරු තාක්ශණය කරල ඉන්ජිනේරු පාථමාලා නම් හදාරන්න බැහැයි කියන එක මොකද නිකන් ඉන්ජිනේරුවෙක් වෙන්න නම් අනිව රසායන විද්‍යාව කරන්නම ඕන. ඒත් මෘදුකාංග ඉන්ජිනේරුවෙක් වෙන්න නම් මේ හොදටම ඇති

ගණිත අංශයෙන් තොරතුරු තාක්ශණය හැදෑරීම තුලින් කරන්න පුලුවන් විශ්වවිද්‍යාල පාථමාලා,

35) පරිගණක විද්‍යාව (Computer Science)
36) තොරතුරු හා සන්නිවේදන තාක්‍ෂණය (Information & Communication Technology)
43) ප්‍රමාණ සමීක්‍ෂණය (ගොඩනැගිලි ආර්ථික විද්‍යාව)
(Quantity Surveying (Building Economics))
44) මැනුම් විද්‍යාව (Surveying Science)
45) නගර හා ග්‍රාම නිර්මාණය (Town and Country Planning)
46) නිර්මිත පරිසරය/වාස්තු විද්‍යාව (ගොඩනැගිලි ආර්ථික විද්‍යාව) / මෝස්තර
නිර්මාණ ශිල්පය (වාස්තු විද්‍යාව) (Architecture/Built Environment)/Design(Architecture)
47) විලාසිතා නිර්මාණය සහ නිපැයුම් ප්‍රවර්ධනය (Fashion Design and Product Development)
49) පහසුකම් කළමනාකරණය (Facilities Management)
54) ව්‍යාවසායකත්වය හා කළමණාකරණය (Entrepreneurship & Management)
58) කාර්මික තොරතුරු තාක්ශණය (Industrial Information Technology)

මේවට අමතරව කරන්න පුලුවන් තවත් පාථමාලා තියෙනව.මේ හැම එකක්ම මෙතනින් ගිහිල්ල චක්‍රලේඛණයෙන්ම බලාගන්න පුලුවන්

මේ ඒ වෙලාවයි

2010-07-04T10:31:00.011+05:30

හිටියා එකට කාගෙන කටු ඒ කාලෙ
නැටුවා එකට හොද හැටි පිස්සුත් තාලේ
කෙරුවා විභාගෙත් සෙට් වීලා එකසේ
මම ගොඩ ගියා අයියෝ ඌ නෑ ආවේ

දෙමව්පියෝ දුක් වෙනවා නේද මචෝ
වෙන්නට කලින් කිව්වා මතකයිද මචෝ
කලින් හිටිය යාලුවො දැන් කොයිද මචෝ
උනු සිද්ධියේ රග දැන් දැනෙනෙවද මචෝ

එදා කෙරුව ගොන්කන් දැන් නොම සිදු කරලා
මෙදා පොටේ බැට් කරපන් අත දිග ඇරලා
උබට හිනා උනු සැමගෙම හොට බිම ඇනලා
දීපන් ගේම යාලුවෙ මුලු වීරිය යොදලා

මාර බිසී වීක් එකක්

2010-06-26T17:12:00.009+05:30

කට්ටිය ඉතින් කොහොමද? ඔන්න කොලුවට නම් අමුණල කරල යන්තන් 17 ලැබුවනේ. ඒත් මදි අප්පා මන් මේ බලන් ඉන්නේ 18+ වෙනකන්, මොකද ඉතින් එතකොට කොල්ල ස්වායත්තනෙ (උපන් දිනේට විශ් කරපු හැමෝටම ගොඩක් ස්තූතියි හොදේ)

සදුද ඉදල අපේ A/L පටන් පන්ති පටන් ගත්තා. ඒ මදිවට 13 M 6 එකේ අයියලට චොක්ලට් රෝලුයි බීමයි දුන්නා (මේක තමයි අපේ සිස්ටම් එක..12 එවුන් 13 එවුන්ට පාටියක් දෙනවා ...අයියලව සෙට් කර ගන්න එපෑ සේරටම කලින්) අලුතෙන් ආව කට්ටිය එක්කත් අපි දැන් ෆුල් ෆිට් ඒ අස්සේ ප්‍රොජෙට් එකකුත් කරන්න එපෑ....මෙකට අපේ නිපුන අයිය මට ගොඩක් උදව් කරනවා

මන් ඕ.ලෙවල් ඉවර වෙච්ච ගමන් FIT(UCSC) කරන්න ගත්තට ඒක තාමත් ඉවර කර ගන්න බැරි උනානේ (හෙනම කම්මැලිකමක් අප්පා තියෙන්නේ)...දැන් නම් අශාන් අයියගෙ හෙල්ප් එකෙන් ඒකත් ඉවර කරල දාන්න යන්නේ....ඉතින් මන් මේ දවස් වල බිසී....ඒ මදිවට ඉස්කෝලෙ වැඩත් ඒ අස්සෙ කරන්න එපැයි...ඇයි තව ප්‍රොජෙට්...අම්මෝ

ආ මම දැන් පොඩි හසී නේ...අපේ බ්ලොග් අවකාශයේ ඉන්න හසීල එකතු වෙලා හදාගත්ත සාඩම්බර හසී පවුලෙ පොඩි එකා නොවැ(කාටද ආඩම්බර..මටනේ)

ඔයාලටත් අපේ පවුලට ජොයින් වෙන්න පුලුවන් ඕන්

දැනට අපේ කට්ටිය මෙහෙමයි,

කොලු හසී (මෙයා තමා අපේ ලොක්කයියා)
කතා හසී (මෙයා තමා අපේ කතා කාරය)
කෙලි හසී (අක්කා ඉතින් කෙල්ලෙක්නේ)
පොඩි හසී(මන් ඉතින් තාම පොඩි එකා නොවැ)

ඔයත් හසී කෙනෙක් නම් අපේ සෙට් එකත් එක්ක සෙට් වෙන්න.

ඕන් හසිත කොල්ලත් දැන් A/L කොල්ලෙක්

2010-06-17T22:51:00.008+05:30

අප්පේ....O/Lඉවර වෙලා පණ ගැහි ගැහි හිටියා රිසාල්ට් එනකන් අන්තිමට නූලෙන් ඒකත් ගොඩ ගියා කියමුකො අන්තිමට ඉතින් ඔන්න අද තමයි හා හා පුරා කියල අපිව ඒ.ලෙවල් කරන්න පන්ති වලට දැම්මෙ. (අද තමයි ඉස්කෝලෙ පටන් ගත්තෙ)

අද උදේ වෙලාවට නැගිට්ටෙත් නැ(ඇයි දෙයියනේ කොහොම කියල නගිටින්නද මාස 6ක් ම ෆුල් ආතල් එකේ පස්ස පැත්තට ඉර එලිය වැටිල පස්ස පැත්ත රත් වෙනකම්ම සැප නින්දක් දාපු එකානේ මම)
කොහොම හරි උදේවෙලාවට ඉස්කෝලෙට ගියා. ගියාම අම්මලට මීටින් එකක්(මේක ඉවර වුනේ 11.30ත් පහු වෙලා) ඉතින් ඒක ඉවර වෙනකන් අපේ පරණ යාලුවොත් එක්ක සෙට් වෙලා පොඩි පහේ ටෝකක් දගෙන හිටියා (මුන්ව මාස ගානකට පස්සෙ අදනෙ සෙට් වුනේ) ඒ මදිවට අද අපිට අලුත් යාලුවොත් එකතුවෙලා හිටියා...(පොළොන්නරුව වගේ පැතිවලිනුත් යාලුවො ඇවිල්ල හිටියා...එයාලත් අද ඉදල ආනන්ද මාතාවගේ දරුවො) ඉතින් අද මැක්සා දවස!

කොහොම හරි මීටින් එක ඉවර වෙලා අපි හැමෝම අලුත් පන්ති වලට ගියා. වෙලාවට ශුවර් කරන්න බැරුව හිටියට අයි.සී.ටී කරන්න හම්බුනා....අම්මෝ ඇති යාන්තන්...දැන් මන් කරන්නෙ ගණනුයි,භෞතික විද්‍යාවයි,අයි.සී ටී කියන සබ්ජෙට් තුන (හැබැයි මැත්ස් කලාට මන් බ්‍රයිටෙක් නම් නෙමේ...අනිත් ඒවට වැඩිය මේකට ආස නිසයි තෝරගත්තෙ)

හෙට නිවාඩු හින්ද සදුද ඉදල අපේ වැඩ පටන් ගන්නවා...ප්‍රොජෙක්ට් එකකුත්(අනේ මන් නම් මේක ගැන තාම මෙලෝ දෙයක් දන්නෙ නෑ...කොටින්ම කාගේ හරි එකක් දැකලවත් නෑනෙ) කරල කොහොමහරි A/L ලුත් කරලම බලන්න තමයි දැන් කොල්ලගෙ රෙඩි එක

දෙක දෙක එක් කර ඈදීම | දෙවන කොටස

2010-06-09T16:13:00.006+05:30

කලින් පෝස්ට් එකේදි මන් කිව්වනෙ දෙක එකට එකතු කරන්න ඕන කරන මූලික දේවල්...ඒක කියවන්න බැරි උනානම් මුලින්ම මෙතනින් ඒක කියවල ඉන්නකො

මේකෙදි අපි මුලින් පරිගණක දෙකටම අයිපී ඇඩ්‍රස් ලබා දෙන්න ඕනෙ ඒ සදහා Start → Control Panel හරහා Network Connection වෙත ගොස් එහි ඇති Local Area Connection අයිකනය මත රයිට් ක්ලික් කර Properties තෝරා Local Area Connection Properties ඩයලොග් බොක්ස් එක ඕපන් කරගන්න.
එහි General ටැබ් එක යටතේ ඇති Internet Protocol (TCP/IP) ඩබල් ක්ලික් කල විට මතුවන Internet Protocol Properties ඩයලොග් බොක්ස් එකෙහි Use the following IP address ලෙස සිලෙක්ට් කර IP address සදහා 192.168.1.1 ද Subnet mask සදහා 255.255.255.0 ලෙසද ලබා දී OK කර ප්‍රොපටීස් ඩයලොග් බොක්ස් වසා දමන්න.

දැන් දෙක එකතු කරන එක පරිගණකයකට අයිපී ඇඩ්‍රස් ලබා දීල ඉවරයි .දැන් මේ කරපු විදියටම අනිත් එකටත් අයිපී දෙන්න ඕනෙ. ඒකෙදි විශේෂයෙන් සැලකිලිමත් වෙන්න ඕනෙ අපි කලින් පරිගණකයට ලබා දුන්න 102.168.1.1 IP address එක වෙනුවට 192.168.1.2 ලෙස ලබා දීම ගැනයි.
මෙලෙස IP address එක ලෙස 192.168.1.2 ලෙස හා Subnet mask සදහා කලින් පරිගණකයට දුන් පරිදිම 255.255.255.0 ලෙසම ලබා දී OK කර ඩයලොග් බොක්ස් සියල්ලම වසා දමන්න. ඔන්න දැන් වැඩ ගොඩක් ඉවරයි.

දැන් පරිගණක දෙකම එකම වර්ක්ගෲප් එකකට ඇතුලු කරන්න ඕනෙ.(මෙහෙම කරන්නෙ මේ දෙකම එකම ජාලයක බව පෙන්වා දෙන්න)

මේක කරන්න My Computer මත රයිට් ක්ලික් කරල Properties තෝරන්න දැන් ඕපන් වෙන System Properties ඩයලොග් බොක්ස් එකෙන් Computer Name ටැබ් එක තෝරන්න. දැන් මේකෙ තියෙන Computer description යටතේ පරිගණකටය නමක් දෙන්න ඕනෙ. (මේකට අපේ නමම දාමු ,මම නම් දැම්මෙ hasitha1හා hasitha2 කියල)
ඊට පස්සෙ Work group එකටත් නමක් දෙන්න ඕනේ (මේ පරිගණක දෙකේම වර්ක් ගෲප් එකට එකම නමක් දෙන්න "my home net" වගේ) දීල OK එක ඔබල ඔතනින් කැපෙන්න.

දෙන්නටම නම් තැබුවට පස්සෙ පරිගණක දෙකම රී ස්ටාට් කරන්න ඕනෙ...ඊට පස්සෙ ඕන් දෙන්නම එකට එකතු වෙලා ඉන්නෙ (ශෝයි!...හැබැයි මෙයාල එකට ඉන්නව කියල පෙන් නම්නෙ නම් නෑ)

දැන් අපිට අනිත් කම්පියුටරේ තියෙන මොකක් හරි (ෆයිල් එකක් වගේ) දෙයක් ගන්න ඕන වෙච්ච ගමන් කරන්න තියෙන්නෙ ඩෙක්ස්ටොප් එකේ තියෙන My Network Places අයිකන් එක ඩබල් ක්ලික් කරල විවෘත කර ගෙන එහි ඇති View Workgroup Computer කියන තැන ක්ලික් කරන‍්න විතරයි. එතකොට අපේ හෝම් නෙට්වර්ක් එකේ තියෙන කම්පියුටර්ස් දෙක අපි ලබා දුන්න නම් වලින් පෙන්නනවා.... දැන් ඉතින් ඒකෙ ඒව මේකටයි මේකෙ ඒව ඒකටයි දාගන්න බැරියැ :D

දෙක දෙක එක් කර ඈදීම

2010-06-02T21:25:00.004+05:30

මට මේ ලගදි මගෙ කම්පියුටර්ස් දෙක එකට නෙට්වර්ක් කරගන්න ඕන උනා. (දෙකම ඩෙක්ස්ටොප් මට කොයින්ද ලැප්ටොප්) ඉතින් මන් කොහොමහරි විදෙශ ආධාරත් ඇතුව දෙක එකට නෙවර්ක් කලා. හැබැයි පරිගණක දෙකකට වැඩිය නෙට්වර්ක් කරන්න නම් ඒගැන විශේෂයෙන්ම ඉගෙනගන්නත් වෙනව වගේම විශේෂ උපකරණත් ඕනෙ. තව මේ වැඩේට යම් මුදලකුත් වියදම් වෙනව. (අපි වගේ රැකියා විරහිත පාසල් ශිෂ්‍යයින්ට කොහෙන්ද ඕවට මුදල්) නමුත් කිසි ගින්නක් නැතුව පරිගණක දෙකක් නම් එකට නෙට්වර්ක් කරගන්න පුලුවන් (ගොඩක් අය ගාව ලැපයි , ඩෙක්ස්ටොප් එකයි තියෙන නිසා මේ විදියට ලේසියෙන්ම ඒව නෙට්වර්ක් කර ගන්න පුලුවන්) වැඩ වලදි ඒක ලොකු පහසුවක්නෙ.

මේ වගේ දෙක එකතුකරන්න ඕන කම්පියුටර්ස් දෙකටම නෙට්වර්ක් කාඩ් තියෙන්න ඕනෙ. (ලැප්ටොප් හැම එකකම වගේ නෙට්වර්ක් කාඩ් තියෙනව. ඩෙක්ස්ටොප් එකේ කාඩ් එකක් නැත්තන් ඕනම පරිගණක වෙලද සලකින් රු.850/- විතර නෙට්වර්ක් කාඩ් එකක් ගන්න පුලුවන්) මීට අමතරව ඕන වෙන්නෙ ක්‍රොස් ඕවර් කේබල් එකක් විතරයි. (මේකත් කඩේකින්ම ගන්න පුලුවන් වගේම අපිටම හදා ගන්නත් පුලුවන්...පොඩි ගානයි වෙන්නෙ) මේව හරිගස්ස ගත්තට පස්සෙ ක්‍රොස් ඕවර් කේබල් එක නෙට්වර්ක් පෝට් දෙකට සවිකරල කම්පියුටර්ස් දෙක ඔන් කරන්න. දැන් වැඩෙන් භාගයක්ම ඉවරයි. දැන් තියෙන්නෙ කම්පියුටර්ස් දෙකට අයිපී ඇඩ්‍රස් ( IP Address) දීල දෙන්නව හදුන්වල දෙන එක

මේ ව්ගේ පෞද්ගලික ජාල (Private Natwork) සදහා සරලව භාවිතා කරන්න පුලුවන් අයිපී ඇඩ්‍රස් පරාස කීපයක්ම තියෙනවා. නමුත් මේකෙදි මන් පාවිච්චි කරන්නෙ 192.168.0.0 – 192.168.255.255 යන අයිපී ඇඩ්‍රස් පරාසයයි. මතක තබා ගැනීමේ පහසුවට මම මේකෙදි එක ලග තියෙන අයිපී ඇඩ්‍රස් දෙකක් ගන්නවා.මේ අනුව මන් පාවිච්චි කරන්නෙ 192.168.1.1 සහ 192.168.1.2 යන අයිපී ඇඩ්‍රස් දෙක.

මට මෙතනින් එහාට ලියන්න යද්දි පොඩි අවුලක් එනව. ඒ තමයි නෙට්වර්ක් කරන්න යන පරිගණක වලට අයිපී ඇඩ්‍රස් ලබා දීම , වර්ක්ග්රූප් සැකසීම හා නෙට්වර්ක් කරපු පරිගණක දෙකෙන් වැඩ කරන හැටි ගැන ලියන්න ඕනෙ මොන පාරිසරිකයෙ (පාරිසරිකය කියන වචනය මන් ඉස්සුවෙ ශාකුන්තල අයියගෙන්...අපි ඉතින් දෙශීයකරණයට ෆුල් සපෝට්නෙ) ඉදන් කරන හැටිද කියල.. මොකද අපි වගේ නිදහස අගයන කට්ටිය (කොච්චර ආඩම්බරද) ලිනක්ස් පාවිච්චි කලාට තාමත් ලංකාවෙ භාවිත කරන පරිගණක වල වැඩි හරියක් තියෙන්නෙ වින්ඩෝස් හින්දා.( වින්ඩෝස් කිව්වට මේව ජෙනුයින් නෙමේනෙ වැඩි හරියක් හොර බඩුනෙ) ඉතින් මන් හිතුවා වින්ඩෝස් වල කරන හැටි ගැන ලියන්න. (මෙතන වැඩි හරියක් ලිනක්ස් පාවිච්චි කරන්නෙ අයියලනෙ...ඒ මදිවට මෙයාල සේරම කැම්පස් යන පොරවල්නෙ) ඒත් කාට හරි ලිනක්ස් වල වැඩේ ගොඩ දාගන්න හැටි ගැන දැනගන්න ඕන් නම් කියන්න මන් ඒකත් ලියල දාන්නම්කො.

වින්ඩෝස් වල කරන හැටි ඊලග පොස්ට් එකෙන්.....ලිනක්ස් වල කරන හැටි ඕන් නම් තුන්වෙනි පොස්ට් එකකුත් දාන්නම්.....ඉතුරු ටික දාන කන් ඔයාල ක්‍රොස් ඕවර් කේබල් එකක් එහෙම හොයා ගෙන වැඩේට රෙඩි වෙන්නකො.

මාත් දැන් ෆුල් නිදහස අත්විදිනව

2010-05-25T13:55:00.012+05:30

මේ දවස් වල නම් මට අල ගෝනි පිටින් හම්බු වෙලා තිබ්බෙ. ඒ මදිවට මගෙ සවුන්ඩ් කාඩ් එක වැඩ නැතිව මාව අනාතත් උනා. කොහොමින් කොහොමින් හරි දන්න ගැට සේරම දාල වැඩේ ගොඩ දාගත්ත කියමුකො… මට පොඩි අයිඩියා පාරක් ආව ෆුල් ෆොස් වෙන්න. (ලැජ්ජාවෙ බෑ මන් මෙච්චර කල් ෆොස් ගැන කියෙව්වට ඩුවල් බූට් විදියට තමයි උබුන්ටු දාල පාවිච්චි කලේ). මුලින් උබුන්ටු දැන් කුබුන්ටු. හැබැයි ගොඩක් වැඩ කලේ මේකෙන්. වින්ඩෝස් දාල තිබ්බෙ මොකක් හරි කරද්දි මගදි කෙල වුනොත් මන් අනාතයිනෙ. (මේ පොඩි එකා අනාත උනොත් පව්නෙ) ඒකයි...වින්ඩෝස් සම්පූර්ණයෙන්ම අතඇරලා බයනැතුව ලිනක්ස් වලට ආවෙ උදව් කරන්න අයියල ඉන්න හින්ද. (මෙයාල කාවවත් මන් දැකල නම් නැ.. ඒත් ඊලග සින්හල බ්ලොහ් කරුවන්ගෙ හමුවෙදි ඇත්තටම බලා ගන්න පුලුවන් වෙයිනෙ )

කොහොම හරි ඒ වැඩෙත් අවුලක් නැතිව ගොඩ දා ගත්ත. දැන් මන් පාවිච්චි කරන්නෙ කුබුන්ටු 10.04 (ලුසිඩ් ලිනක්ස්) විතරයි. මේ පාර උබුන්ටුත් සිරා වුනාට මට නම් හිත ගියෙ කුබුන්ටු වලට (හිත ගිය තැන මාලිගාව කියනවනෙ).. ඩුවල් බූට් කරන්න කුබුන්ටු දාපු මුල්ම දවස් වල නම් ආසාවට බලන්න දැම්මෙ ඒත් දැන් නම් මන් මේකට ෆුල් ලව්. (ඕ.එස්. එකට හොදේ) Gnome GUI එකත් එක්ක බලද්දි මටනම් KDE කිසි අවලකුත් නෑ. මට දැන් වින්ඩෝස් සෙවන් අල්ටිමේට් ලයිසන් එකක් නිකන් දුන්නත් මන් නෙමෙයි ඇහැක් ඇරලවත් බලන්නෙ (මෙහෙම කිව්වට දුන්නොත් නම් ඉතින් ඇස් දෙකම ඇරල ඉල්ල ගන්නව)

හැබැයි කොලු කමට ක්‍රැක් කරපු හොර බඩු (බඩු කිව්වෙ සොෆ්ට්වෙයා හරිද) නම් පාවිච්චි කරන් නැ.... ඒ හින්ද දැන් අපි ෆුල් නිදහසේ කල් ගෙවනව (ෆුල් නිදහසේ කිව්වෙ කෙල්ලෙක් එහෙම හිටිය නම් නිදහස බල්ලට යන හින්ද). දැන් කාටවත් නයත් නැ කාටවත් බයත් නැ. ෆුල් ජොලියෙ ඉන්නෙ…………මුලින්ම කියන්න ගියෙ කුබුන්ටු ගැන අන්තිමට කිව්වෙ නිදහස බල්ලට යන කෙල්ලො ගැනනේ……ආයිත් යන් මාතෘකාවට

ඔන්න මන් කුබුන්ටු වල පොටෝස් ටිකක් දානව. ඔයාලත් බලන්නකො කුබුන්ටු කොච්චර පට්ටද කියලා……මැක්සා නේද?

තවත් කුබුන්ටු වල ෆොටෝස් බලන්න ඕන නම් මෙතන කොටන්න

මම වැස්සේ රස වින්දා

2010-05-19T00:50:00.002+05:30

සීතල සිසිලැල් කැන්දා
සිත කුල්මත් කරවන්නා
කුරුලු පැටව් කැදලි කරා
හැකි වේගෙන් පියඹන්නා

මාගේ ගත සිත පිබිදී
වැසි එන බව දැනගත්තා
වැස්සේ රස විදිනු පිණිස
නිවසින් එලියට පැන්නා

හෙමින් වැටුනු වැහි බිදුවල
ඇති වේගය වැඩි වෙන්නා
මොර සූරන තද වැස්සක්
මා වටේට ඇති වෙන්නා

වෙනද තිබුනු මුලු මිදුලම
අද ජලයෙන් තෙත් වීලා
පහත් තැනින් මද වේගෙන්
ජල ධාරා ඇදි යන්නා

මම ලොකු ලමයෙකු යන වග
මගේ සිතට නොදැනෙන්නා
වගේ මාත් මේ වැස්සේ
සෙල්ලම් කෙරුමට ගත්තා

මොර සූරන තද වැස්සක
මායි සිතයි තනි වෙන්නා
කාටත් නොහැගෙන විලසකි
මම වැස්සේ රස වින්දා

මේක මේ පුන්චි කොලු ගැටයෙක් කවියක් ලියන්න දරපු පොඩි උත්සාහයක් ඒක සාරථක බව හරි අසාර්ථක බව තීරනය කරන්න ඕනෙ කියවන ඔයාල තමයි.හැබැයි ඔන්න ඉතින් මගෙ මේ කවි පන්තිය අපේ අයියල අක්කල කවි මඩුවෙ කිව්ව ඒව තරම් ලස්සනනම් නෑ.

වින්ඩෝස් සදහා FOSS

2010-05-17T11:05:00.004+05:30

මගෙ කලින් පෝස්ට් එක කියෙව්වෙ නැත්තන් මෙතනින් අපි නොදන්න FOSS කියවල ඉන්න.මොකද ඒකෙ ඉතිරි කොටස විදිහට තමයි මේ පෝස්ට් එක දාන්නෙ.
අද මම කියන්න යන්නෙ දැනට වැඩිපුරම භාවිත වන වින්ඩෝස් මෙහෙයුම් පද්ධතිය සදහා භාවිත කල හැකි නිදහස් හා විවෘත මෘදුකාංග කීපයක් ගැනයි.මෙහිදී ඉදිරිපත් කරල තියෙන්නෙ සාමාන්‍ය භාවිතයට අවශ්‍යකරන අවශ්‍යකරන මෘදුකාංග කීපයක් පමණයි. නමුත් ඕනෑම අවශ්‍යතාවයකට ගැලපෙන පරිදි FOSS මෘදුකාංග ලබාගන්න පුලුවන්

මෙහෙයුම් පද්ධතියකට පස්සෙ අපිට වැඩියෙන්ම ඕන වෙන මෘදුකාංගයක් තමයි ඔෆීස් පැකේජය.ගොඩක් දෙනා භාවිත කරන මයික්‍රෝසොෆ්ට් ඔෆීස් පැකේජය (MS Office 2007 පැකේජය රු.29000 ක් පමණ) වෙනුවට භාවිත කල හැකි ඉතා සාර්ථක මෙන්ම හොදම විකල්පය වන්නේ ඕපන් ඔෆීස් (Open Office.org) පැකේජයයි.මයික්‍රෝසොෆ්ට් ඔෆීස් මගින් කළ හැකි සෑම දෙයක්ම මෙතුලින්ද ඉතා පහසුවෙන් නිර්මාණය කර ගත හැකියි.එමෙන්ම ලාංකිකයන් සදහාම මෙම මෘදුකාංගයේ සිංහල අතුරු මුහුණත දැනටමත් නිර්මාණය කර අවසන්ව ඇති අතර උපකාරක පිටු සිංහලට පරිවර්ථනය කිරීමේ කටයුතු දැන් සිදුවේ.මේ සදහා ඔබටද දායක විය හැක.

එසේම ඡායාරූප සන්ස්කරණ කටයුතු සදහා සුලබව භාවිතා කරනු ලබන ඇඩොබි පොටෝෂොප්පැකේජය රු.79000 පමණ වේ. ඒ වෙනුවට Gimphoto සහ Gimpshop භාවිතයට ගත හැකිය.

වෙක්ටර් ග්‍රැපික්ස් වර්ගයේ නිර්මාණ සදහා බහුලව යොදා ගන්නා ෆී හෑන්ඩ්,ඉලස්ට්‍රේටර්,කොරල් ඩ්‍රෝ වැනි මිල අදික මෘදුකාංග වෙනුවට Inkscape පහසුවෙන්ම යොදා ගත හැක.

ඇඩෝබි පේජ්මේකර්,ඉන්ඩිසයින් සහ ක්වාක් එක්ස්ප්‍රස් වැනි මෘදුකාංග වලින් කරන්නාක් මෙන් පිටු සැකසීමේ කටයුතු කිරීමට ස්ක්‍රයිබස් (Scribus) අනගි නිදහස් හා විවෘත මෘදුකාංගයකි.

තිමාණ සජීවීකරණය කල හැකි ත්‍රීඩී මැක්ස් මායා වැනි මෘදුකාංග තරම් නොවුනත් Blender මෘදුකාංගය මගින් සාර්ථකව ත්‍රිමාණ සජීවීකරණ නිර්මාණය කල හැක.

වින්ඩෝස් මෙහෙයුම් පද්ධතිය ඇති පරිගණයකට වැඩිපුරම ඇති වන බලපෑම වන්නේ වයිරස් වලින් සිදුවන හානියයි.මේ සදහාද ඕපන්සෝස් ඇන්ටිවයිරස් මෘදුකාංග ඇත.ක්ලැම්වින් (Clamwin) ඊට හොදම උදාහරණයයි.මෙහි විශේෂම ලක්ශණ ලෙස පරිගණකයෙන් විශාල ඉඩ ප්‍රමාණයක් නොගැනීම හා පෙන් ඩ්‍රයිව් එකක උවත් දමා භාවිත කිරීමේ හැකියාව ගත හැක.

සී.ඩී හෝ ඩී.වී.ඩී බර්න් කිරීමට යොදා ගන්නා වාණිජ මෘදුකාංග වෙනුවට ඒ සමානව මෙහෙයක් ඉටුකරන ආකර්ශනීය ඕපන් සෝස් බර්නින් මෘදුකාංගයක් ලෙස ඉන්ෆ්‍රාරෙකෝඩර් (Infra Recoder) මෘදකාංගය හැදින්විය හැක.නොමිලේ ලබාගත හැකි මෙයින් වාණිජ මෘදුකාංගයකින් ලබා ගත හැකි සියලුම සේවා ලබා ගැනීමේ හැකියාබක් තිබේ.

අනර්ඝ ඕපන්සෝස් මීඩියා ප්ලේයරක් ලෙස වී.ල්.සී. මීඩියා ප්ලේයරයට (V.L.C. Media Player) හිමි වන්නේ සුවිශේසී ස්ථානයකි. මෙමගින් ෆෝමැට් විශාල සංඛ්‍යාවක ඕඩියෝ සහ වීඩියෝ ෆයිල් ප්ලේ කිරීමේ හැකියාවක් තිබේ.

එසේම තව බොහෝ නිදහස් හා විව්‍යත මෘදුකාංග වින්ඩෝස් මෙහෙයුම් පද්ධතිය සදහා ඇත.ඒවා සොයා ගැනීම සදහා alternativeto යන වෙබ් අඩවිය භාවිතා කල හැකිය.මෙහිදී වාණිජ මෘදුකාංගයේ නම ලබා දී සර්ච් කල විට ඒ වෙනුවට භාවිතා කල හැකි ඕපන්සෝස් මෘදුකාංග රාශියක් ඔබට ඉදිරි පත් කරයි.එතුලින් ඔබ කැමති ඕනෑම මෘදුකාංගයක් ඩවුන්ලෝඩ් කර ගැනීම තුලින් එය රිසි සේ භාවිතා කිරීමේ හැකියාව ලැබේ.

තවදුරටත් වාණිජ මෘදුකාංගවල ව්‍යාජ පිටපත් භාවිතය හා ජෙනුයින් වාණිජ මෘදුකාංග සදහා විශාල මුදල් වියදම් කිරීමෙන් වැලකී මෘදුකාංග වල නියම නිදහස අත් විදින්න....නිදහස කියන්නෙ ඉතින් කොහොමත් හොද එකක්නෙ :D

මගෙ පිස්සුව

2010-05-11T13:25:00.003+05:30

ඔන්න එක දවසක්

ක්ලාස් යනකොට මං

හම්බුනා මට කෙල්ලෙක්

පිස්සු හැදෙනව බන්

ඇරබිය මා මල් කැඩිල්ල

ආව ඇගේ පියා ලගට

නැවැත්තුවා මල් කැඩිල්ල

මාරු උනා මං

ඒත් අනේ හැම තිස්සෙම

මතක් වෙනව මට එයාව

හිතා ගන්න බැරි තරමට

පිස්සු හැදිල දැන්

හැමතැනකම හොයනව ඇය

තාම නෑනෙ හම්බුනෙ මට

කවදා හරි හම්බවෙයිනෙ

කියල ඉදිමි මං

මේක මේ මට නිකන් හිතිච්ච එකක් :P.....මේක කවියක් ද නිසදැසැක් ද වෙන මොකක් හරි ද කියල කියන්නත් දන් නෑ. හිතිච්ච විදියට ලියල දැම්ම ඕන් :D

අපි නොදන්න FOSS

2010-05-01T07:38:00.005+05:30

අපි නොදන්න FOSS කිව්වට නිදහස් හා විවෘර්ත මෘදුකාංග (Free and Open Source Software) පිළිබදව ගොඩක් දෙනා දන්නවා.නමුත් තුන්වන ලෝකයේ රටක් වන ශ්‍රී ලංකාව තුල පරිගණක භාවිතය වැඩි වීමත් සමග වාණිජ මෘදුකාංග වල ව්‍යාජ පිටපත් හාවිතය අපි කාටත් අත් දකින්නට ලැබෙන සුලභ කරුණකි.

මුල් කාලයේදී අප රටේ පරිගණක අපරාධ සම්භන්දයෙන් බලාත්මක නීතියක් නොතිබුණු අතර 2007 දී පරිගණක අපරාධ පිළිබද පණත බලාත්මක කිරීමත් සමග පරිගණක ආශිත ක්‍රියාකාරකම් සාධනීය ලක්ෂණ ඉස්මතු විය.ඒ අනුව වාණිජ මෘදුකාංග වල ව්‍යාජ පිටපත් අලවිය තහනම් කරන ලදි.ඒ හේතුවෙන් රු.80 ට ව්‍යාජ සොෆ්ට්වෙයා CD ගැනීමට පුරුදු වී සිටි අපට එයින් මිදීමට සිදු විය. පරිගණක තුල ව්‍යාජ මෘදුකාංග භාවිතය නැවැත්වීමට තරම් වර්තමාන නීතිය ප්‍රමාණවත් නොවූවද එසේ හොර මෘදුකාංග භාවිතය තුලින් අපට සිදු වන තරමක් සිදු වන්නේ හානිදායක දේවල්ය.එවැනි හානි දායක දේවල් වලින් වැලකීමට අපිට සාර්ථකව නිදහස් හා විවෘත මෘදුකාංග භාවිත කල හැකිය.

ගොඩ දෙනෙකු සිතන්නේ නොමිලේ දෙන සෑම මෘදුකාංගයක්ම නිදහස් හා විවෘර්ත මෘදුකාංග කියාය.ඒ ආකාරයට බැලූ කල නොමිලේ ලැබෙන Adobe Acrobat Reader ද FOSS වේ.නමුත් ඒ අදහස වැරදිය. FOSS වලදී මෘදුකාංගය පමණක් නොව එය නිපදවීමට හාවිත කල කේත සටහන (Source Code) ද නිදහස් කරයි. එමගින් ඕනෑම කෙනෙකුට FOSS මෘදුකාංගය තමන්ට ගැලපෙන අයුරින් වෙනස්කර භාවිත කිරීමට හා තවදුරත් දියුණු කිරීමේ හැකියාව ලැබේ.නමුත් අධික මුදලක් වියදම් කර මිලදී ගන්නා මිලදී ගන්නා කිසිම වාණිජ මෘදුකාංගයක මෙවැනි නිදහසක් ලැබෙන්නේ නැත.

රු.20000 කට අධික මුදලක් ගෙවා (ගොඩක් අය නම් රු.80 ට හරි යාලුවෙක්ගෙන්) ලබාගන්නා වින්ඩෝස් (Windows) මෙහෙයුම් පද්ධතිය වෙනුවට ඒ සමානවම අවශ්‍යතා සපුරන අංග සම්පූර්ණ මෙහෙයුම් පද්ධතියක් අපිට නොමිලේම ලබා ගන්නට පුලුවන්.

මෙම මෙහෙයුම් පද්ධති ලිනක්ස් කනලය මූලික කර ගත් ඒවා වන අතර පරිගණකයේ කිසිදු වෙනසක් නොකර අත්හදා බැලීමට හැකි වන අයුරින් (Live CD) මේ සෑම මෙහෙයුම් පද්ධතියක්ම සකස් කර තිබේ.

මුල් වරට භාවිත කරන්නෙකුට Ubuntu ,Fedora වැනි ජනප්‍රිය භාවිතයට් පහසු ලිනක්ස් ඩිස්ට්‍රෝ එකක් භාවිතයට ගත හැකි වන අතර ලාංකිකයන් සදහාම නිපදවූ හන්තාන ලිනක්ස් නම් Fedora මත පදනම් වූ ලිනක්ස් මෙහෙයුම් පද්ධතියක් මෙන්ම Ubuntu මත පදනම් වූ ලංකනෙට් ලිනක්ස් නම් මෙහෙයුම් පද්ධතියක් ද ඇත.

නොමිලේම ලබා ගත හැකි මෙම මෙහෙයුම් පද්දති වල වයිරස් ආසාදන නොමැතිවීම සාධනීය කරුණකි. මෙවැනි ලිනක්ස් මෙහෙයුම් පද්ධති තුල එදිනෙදා වැඩකටයුතු කර ගැනීමට අවශ්‍ය වන සියලුම මෘදුකාංග අන්තර්ගත වන අතර අන්තර්ජාල සබදතාවක් තිබීම තුලින් වැඩිමනත් අවශ්‍යතා සපුරා ගත හැක.

මෙහෙයුම් පද්ධතිය ලෙස වින්ඩෝස් (Windos) පාවිච්චි කලත් ඉතිරි අවශ්‍යතා සදහා විවෘර්ත හා නිදහස් මෘදුකාංග වලින් ලැබෙන්නේ මහගු පිටිවහලකි.ඒ පිළිබද තොරතුරු ඉදිරි ලිපියෙන්

On-Line ඉගෙන ගම්මුද?

2010-04-16T14:05:00.008+05:30

මම අද කියන්න යන්නෙ ඉගෙන ගන්න කට්ටියට ගොඩක් වැදගත් වෙන වෙබ් සයිට් එකක් ගැන ගොඩක් අය මේ සයිට් එක දන්නවත් ඇති.ඒත් ඉතින් නොදන්න අයට නම් මේක ගොඩක් වැදගත් වෙයි.මේ සයිට් එකේ නම Alison.com මේකෙ විවිධ ක්ෂේත්‍ර ගැන අපිට ගොඩක් හොද පාඨමාලා නොමිලේම ඉදිරිපත් කරල තියනව ඒ පාඨමාලා වල ගුණාත්මක භාවයත් ඉතාම ඉහල මට්ටමක තියෙන විදිහට තමයි නිර්මාණය කරල තියෙන්නෙ

මම මේ දවස් F.I.T. එක්සෑම් එකට සූදානම් වෙන හින්ද මන් ඉස්සෙල්ලම කරන්න තෝරගත්තෙ මයිකෝසොෆ්ට් ඔෆීස් 2003 පාථමාලාව ඒක ඇක්ටිවිටීස් එක්ක කරන්න තියෙන්නෙ කොටින්ම එකේ තියෙන ඔෆීස් පාඩම් UCSC FIT LMS එකේ තියෙන පාඩම් වලට වඩා ගොඩක් ඇක්ට්ව් විදිහට කරන්න පුලුවන්

Alison.com සයිට් එකේ මේ වගේ විශය ක්ශේත්‍ර රාශියක විවිද පාථමාලා විශාල ප්‍රමාණයක් ඉදිරිපත් කරල තියෙනව.ඉතින් ඔයාලත් මෙතනින් සයිට් එකට ගිහිල්ල අදම වැඩ පටන් ගත්තොත් නරකද?

කිරි ඉතිරේවා...නව වසරේ...

2010-04-14T01:46:00.001+05:30

ලැබුවා වූ නව වසර සාමය සෞභාග්ය පිරි සියලු පැතුම් මල් ඵල දරන්නා සුභම සුභ නව වසරක්ම වේවා...

ඒකත් ඉවරයි!දැන් තමයි ගේම තියෙන්නෙ

2010-04-10T00:09:00.007+05:30

මං මේ පෝස්ට් එක දාන්න හිටියේ ඊයෙ. ඒත් ඉතින් මොනව කරන්නද අද තමයි මට වෙලාවක් හම්බුනේ...අම්මෝ ඊයෙ අපේ O/L ප්‍රතිපල ආවනෙ! මාත් ඉතින් ඔන්න ඔහෙ පාස් වෙලා නම් තියනව. ඒකත් මහ කැත විදිහට. මට තියන්නෙ A2,B6,C1කුයි. ඒ මදිවට එක එක්කෙනා ප්‍රතිපල අහනවා. මට ඉතින් මල! ඇයි දෙයියනේ කට ඇරල කියන්නෙ කොහොමද A2යි කියල. එතකොට ඉතින් කියනවා ආනන්දෙට ගිහින් මෙච්චරද කියල?එතකොට ඉතින් විලි ලැජ්ජයිනෙ...ඒත් ඉතින් අපි පිස්සු නැටුවට ඉස්කෝලෙ පලිද?

බැලුවහම මේ ප්‍රතිපලෙත් අවුලක් නෑ.කොහොමහරි හැම එකටම සම්මාන තියනවනෙ. A/L නම් තිතට කරනවා!පිස්සු නටන් නැතුව හැමදාම ඉස්කෝලෙයි පන්තියි යනවා.එක අතකට O/Lවගේ නෙමෙනෙ A/L අමාරු උනත් කැමතිම සබ්ජෙට් තියන නිසා ආසාවෙන් කරනවා.ටයිම් ටේබල් එකක් හදල ඒකෙ විදියට වැඩ ටික කරන්න තමයි මන් හිතන්නන් ඉන්නෙ.මූනු පොතේ නම් පැත්ත පලාතෙවත් යන් නෑ(ඔය කිවුවට ලාවට වගේ දවසකට පාරක් දෙපාරක් විතර යැවෙයි).සින්ඩිය පැත්තෙනම් නිතරම රවුන් ගහන්න තමයි බලාපොරොතුව...මොකද ඉතින් I.C.T. ඉගෙන ගන්න මීට වැඩියෙ හොද තැනක් වෙන කොහෙද තියෙන්නෙ!

ටිමී.. මගෙ මල්ලිය

2010-04-04T12:43:00.007+05:30

පොඩි කාලෙ ඉදල කට්ටියත් එක්ක සෙට් වෙලා ඉන්න තියෙනවනම් ඉතින් කොච්චර ජොලිද? ඒත් ඉතින් මට නම් දුකට සැපට අරකට මේකට හැම එකටම ඉන්නෙ මන් විතරයි. මොකද මන් තමයි ගෙදර දුවගෙයි පුතාගෙයි හැම චරිතෙකටෙම පණ පොවන්න ඉන්න එකම නලුව. සිටම සමගින් ජීවිතයේ දුක සතුට බෙදා ගන්නට ලැබීම මා නම් සලකන්නේ වාසනාවක් ලෙසයි.නමුදු ඒ වාසනාව බුක්ති වීදීමට නම් සහෝදර සහෝදරියන් ලැබීමට තරම් අප වාසනාවන්ත විය යුතුය.මට නම් කුඩා කාලයේ සිටම ඒ වාසනාව අහිමිව තිබුනේ මා අප පවුලේ සිටි එකම පිරිමි දරැවා වීම හේතුවෙනි.නමුදු දැන් නම් මා හට දුක හා සතුට බේදා ගැනීමට සහෝදරයකු සිටී.නමුදු ඔහු මා මෙන් මිනිසකු නම් නොවේ.සහෝදරයකු ලෙස මා සමගම කල්ගෙවනා ඔහු සුනඛයෙකි.

අලුත් මාසයක්..

2010-04-01T09:51:00.010+05:30

ඔන්න ඉතින් අලුත් මාසෙකුත් පටන් ගත්ත.ඒ මදිවට අද පළවෙනිද බොරැවගෙ දවසලු. කට්ටියට හොද හොද ලනු හම්බවෙන්න ඇති නේද? මටත් කට්ටිය ලනු දෙන්න ආව වෙලාවට යාලුවක් උදේම “අඩෝ මචන්.. හැපි බර්ත් ඩේ” කියල මැසේජ් එකක් එවල තිබ්බා.
ඒක දැක්ක ගමන් නම් බැලුව මොකක්ද මේ කියන්නෙ කියල පස්සෙ මට වැඩේ මීටර් වුනා. එහෙම නොවෙන්න අද මට මාර පරිප්පුවක් තමයි කන්නෙ. (ඊට පස්සෙ වෙච්ච ඒව ඉතින් මෙතන කටක් ඇරල කියන්නෙ කොහොමද..හික්)
කොහොමින් කොහොමින් හරි ඒකත් ඉවරයි කියමුකො.එත් හෙට අනිද්ද දිහාට අපේ රිසාල්ට් එනවලු. අපොයි! විනාසයි!! මේ පාර අවුරැදු කාලත් ඉවරයි!

මොනව කරන්නද ඉතීන්...එක අතකට ඒක එන එකත් හොදයි. ඊට පස්සෙවත් දෙයියනේ කියල සැනසිල්ලෙ ඉන්න පුලුවන්නෙ. ඒත් ඉතින් මොනව උනත් මන් පාස් නම් වෙයි. ඒත් අන්තිම කාලෙම නොවැ හොදටම පිස්සු නැටුවෙ. විභාගෙ උපරිමයෙන්ම කරන්න බැරි වෙච්ච එකට නම් හිතට ටිකක් දුකයි. ඒත් ඉතින් O/L කියන්නෙ ජීවිතේ නෙමේනෙ. ඒත් මේ කාලෙ ජීවිතේට ලැබුනු අත්දැකීම් නම් හරිම සුන්දරයි. කොටින්ම ආනන්ද මාතාව ජීවිතයට ලබා දුන්නු පන්නරය. ඒත් එක්ක බලද්දි නම් මට S නමයක් තිබ්බත් හොදටම ඇති.

ඒව මේව මොනව උනත් ජීවිතේ හරි සුන්දරයි!

ඔන්න අපිත් දැන් සින්ඩියෙ

2010-03-31T17:07:00.004+05:30

මගේ බ්ලොග් එකත් සිංහල බ්ලොග් කියවනයට ඇතුලත් කර ගත්ත කියල කාලිංග අයියගෙ ඊ මේල් එක දැක්ක වෙලාවෙ ඉදල මට මාරම සතුටුයි. මොකද මාත් දැන් අභිමානනීය සිංහල බ්ලොග් ලියන්නෙක් නෙවැ!
ඒ වගේම මම කාලිංග අයියා ඇතුලු සින්ඩියේ සියලු දෙනාටම ස්තුතිවන්ත වෙනවා මගෙ කුලුදුල් බිලොග් අඩවිවිය පළමු දිනම සින්ඩියට එකතු කිරීම ගැන.

අලුත් ගමනක ඇරබුමයි මේ..

2010-03-30T09:31:00.004+05:30

ආයුබොවන්! මම හසිත ජයසූරිය. මටත් හිතුන සින්හලෙන් බ්ලොග් එකක් ලියන්න.ඔන්න ඉතින් අද මම හා හා පුරා කියල වැඩේ නම් පටන් ගත්ත.
මන් ගැන කියනවනම් දැනට මම කොළඹ ආනන්ද විද්‍යාලයෙ ශිශ්‍යයෙක්. දැනට නම් අපොස සාමාන්‍ය පෙළ(O/L) විභාගයට මූන දීල ප්‍රතිඵල ඇවිල්ල මූන නැතිවෙනකන් තමයි බලන් ඉන්නෙ. ඒ මොනව උනත් වෙලාවක් හම්බුනු හැම වෙලාවකම හිතේ තියන අදහස බ්ලොග් එකේ ලියල දාන්න තමයි මන් හිතන් ඉන්නෙ.
ඉතින් ඔයාලටත් ඔයාලට පුලුවන් හැම වෙලාවකම මගෙ බිලොග් එක කියවල ඔයාලගෙ අදහස් ලියල යනවනම් නවකයෙක් විදිහට මගෙ වැරදි හදාගෙන ඉදිරියට යන්න ඒක මට ලොකු ශක්තියක්ම වේවි…